Jone 6:39 - Buka Blahi Ka Cheke Holo

³⁹ Mae ihei teke kuru mei ghau iara na mana theome magnahaghei ghau iara te lisa lao mala sniki kaisei naikno teke chekedi mana mala reireghidi iara teku igre, nu mala fakarha fapulodi iara kau narane leghu lahu na.

Jone 6:39 ပူးပေါင်းရင်းမြစ်များ

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Jone 18:9

Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”

Jone 6:54

Mae ihei te ghamuni thinigu iara na nei ko'uni dadaragu iara na teuna, mana athini karha fei tifa na. Iara ginauna fakarha fapuloni mana kau narane leghu lahu na.

Jone 6:44

Theo kaisei naikno tangomana te mei ka iara na ghilei batu meini mae Mama mae teke kuru mei ghau iara na. Eghuteuna mae ihei te mei ka iara na, iara ginauna fakarha fapuloni mana kau narane leghu lahu na.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Matiu 18:14

Jateula tuana eghu mae Kmami ghotilo te au kligna na. Mana theome magnahagheni kaisei ka sua igre te snivi ka nabrougna thofno nakarha te tutuani na.”

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Jone 5:28

“Thosei jaglo nomi ka cheke iara igre. U narane na la namo meihi, kau narane tuana naikno teke kafe lehehire ginauna nomhi ghau iara.

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.

Profet Jeremaea 23:4

Iara ginauna vavahi keha mae mala baubatu mala reireghi fakelidi naiknore. Eghuteuna naikno igre ginauna na theome mhaghu ba glaꞌe soru gaoghathodire. Uve, ginauna na theo kaisei naikno nate snivi na.” Igne chekegna Lord.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 17:6

“Iara neke fatakle nigho iagho ka naikno teke tusu mei iagho ka iara teke vavahi fadelei iagho kau nauthoglu igne. Naikno igre nou iagho, eghuteuna iagho neke snakre meidi ka iara. Mare leghudi nou cheke iagho teke cheke ranghidi iara ra.

Jone 17:9

Gognaro na iara taraidi mare. Iara theome taraidi naikno te leghuni puhigna nauthoglu igne. Nu iara taraidi naikno teke tusu mei iagho ka iara gre, naugna mare nou iagho.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Ululahu Korin 6:14

Tutuani, ka nogna nolaghi God neke fakarha fapuloni Lord Jisas kau glehe, eghuteuna God ginauna jaola fakarha fapulo ghita ka nogna nolaghi na.

Jemes 5:15

Te tarai ghotilo balu fatutuani na God ginauna na fakelini naikno te fogra tuana nei mana hata fadelei nakhibo jame teke edi mana re.