Jone 6:38 - Buka Blahi Ka Cheke Holo

³⁸ Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Jone 6:38 ပူးပေါင်းရင်းမြစ်များ

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Jone 3:31

Mae ihei teke mei funu kligna na, mana mae ke biꞌo laodi mae te gnafare. Mae ihei teke karha mei ka nauthoglu igne na mana nogna nauthoglu kolho, eghuteuna mana tangomana te cheke eidi kolho glepo gna nauthoglu igne. Nu mae ihei teke mei funu kligna na, mana mae ke biꞌo laodi mae te gnafare.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Jone 6:33

U gano teke tusu mei God na mae ihei teke soru mei funugna kligna te mala tusu lao u karha na ka naikno te gnafa kau nauthoglu igne.”

Jone 3:13

Theo kaisei naikno tela tei thokehi kligna na, te mala lasedi unha glepo te edi kligna re. Kaisei iara mae teke mei funu ka God na ngala te lasedi te tangomana te chekedire unha te edi kligna re.

Hibru 5:8

Neuba mae Jisas ne thofno Thugna God, kate au papara na mana laseni te leghuni mae Kmagna na.

Letas Teke Riso Tei Mae Pol Ka Khiloau Rom 15:3

Naugna Kraes na neke theome edi unha te magnahaghedi thegna re. Jateula te chekeni ka grioriso te blahi, “God, u cheke te cheke fadiꞌa nigho iagho ra, cheke fadiꞌa ghau iara.”

Efesus 4:9

Te chekeni na, “Mana neke haghe kligna,” unha eghu gaoghathogna na? Gaoghathogna na mana neke kulu soru mei ka nauthoglu igne.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Jone 3:17

Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.

Jone 5:19

Mae Jisas ne cheke eghu ka mae biꞌodi mae Jiure, “Tutuani fara te chekeni iara ka ghotilo na. Iara mae Thugna God na, theome tangomana te eni kaisei glepo leghuni u gaoghathogu thegu na. Iara edi kolho unha glepo teke filodi thegu te edi mae Mama re. Eghuteuna unha te edi mae Mama re tuare ngala te edi la iara re.

Jone 6:29

Mana ne cheke eghu ka mare, “U gloku te magnahagheni God te mala eni ghotilo na igne, fatutuani ghau iara, mae ihei teke kuru mei mana gne.”

Jone 6:42

Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”

Jone 6:57

Mae Kmagu iara mae ihei teke kuru mei ghau iara na, mana neke tusu mei u karha na. Eghuteuna u karha tuana au ka iara naugna mae Mama neke tusu mei ka iara. Jateula tuana eghu mae ihei te ghamu ghau iara na, mana na athini u karha tutuani na ka iara.