Jone 6:35 - Buka Blahi Ka Cheke Holo

³⁵ Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Jone 6:35 ပူးပေါင်းရင်းမြစ်များ

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Jone 6:41

Ka vido tuana hatimare mae Jiure ne funu buiburini mae Jisas. Mare buiburini mae Jisas naugna mana ne cheke eghu, “Iara ngala u gano teke mei funugna kligna na.”

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Thakle 7:16

Mare ginauna theome tangomana te rofo nei theome tangomana te roi koꞌu. Eghuteuna nabranagna naprai na nei nabranadi keha glepore eghu ginauna theome tangomana nate goigonidi mare na.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Luku 6:25

Puhi biꞌo ka ghotilo naikno te boho nomi gognaro gre! Naugna ghotilo ginauna nake rofou! Eghuteuna puhi biꞌo ka ghotilo te maꞌe gognaro gre! Naugna ghotilo ginauna nake tanhi biꞌo nei diꞌanagnafa eghu!

Jone 6:65

Mae Jisas neke cheke eghu, “Igne u gaoghathogna teke chekeni iara ia, theome tangomana kaisei naikno te mei ka iara na jame te theome snakre meini mae Mama ka iara na.”

Jone 5:40

Neubane eghu ngau ne cheke eigu iara u grioriso te blahi gre ghotilo theome magnahagheini te mei ka iara te mala athini u thofno karha tuana.

Jone 4:15

Gaꞌase na ne cheke eghu ka mana, “Mae biꞌo, tusu mei ka iara u nafnata khoꞌu igne mala koꞌu iara nu theome ke roi koꞌu iara eghu. Eghuteuna iara ginau nake theome pulo mei agne mala toho khoꞌu koba.”