Jone 6:32 - Buka Blahi Ka Cheke Holo

³² Mae Jisas ne cheke eghu ka mare, “Tutuani fara te chekeni iara ka ghotilo na. Mae Moses neke theome tusu ranghidi mae ku'emi ghotilo ra gano gna kligna na. Nu mae Kmagu iara na neke tusu ranghi ghami ghotilo u thofno gano teke mei funugna kligna na.

Jone 6:32 ပူးပေါင်းရင်းမြစ်များ

Jone 15:1

Mae Jisas ne cheke eghu ka nogna mae fanomhore, “Iara jateula kaisei gaju te ure sisi te kelira eghu. Mae Kmagu iara na mana jateula mae greireghi gaju te ure sisi te kelira eghu.

Jone 6:58

Eghume igne u thofno gano tutuani teke mei funugna kligna na. Theome jateula u gano te kiloi ‘manna’ teke ghamuni mae ku'emi ghotilo ra eghu. Ke leghugna ghamu te gnafa mare u ‘manna’ tuana na mare neke kafe lehe ngala. Nu mae ihei te ghamuni u gano igne na mana ginauna karha fabrahu.”

Eksodas 16:4

Aonu Lord ne cheke eghu ka mae Moses, “Iara ginau na tusu mei gano gna kligna na mala soru mei jateula nakhete eghu ka ghotilo. Leuleghu narane na naiknore mala jifla atha gano malagna narane tuana. Ka puhi igne iara ginau na fariu riudi naikno gre mala laseni te leghudi ghu theo ghu teu nogu cheke iara re.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Jone 6:55

Naugna thinigu iara na ngala u thofno gano te tutuani na, nei u dadaragu iara na ngala u thofno khoꞌu te tutuani na.

Jone 6:50

Nu igne u gano teke soru mei funugna kligna na. Mae ihei te ghamuni u gano igne na, mana ginauna theome lehe.

Jone 6:41

Ka vido tuana hatimare mae Jiure ne funu buiburini mae Jisas. Mare buiburini mae Jisas naugna mana ne cheke eghu, “Iara ngala u gano teke mei funugna kligna na.”

Jone 6:35

Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Jone 6:33

U gano teke tusu mei God na mae ihei teke soru mei funugna kligna te mala tusu lao u karha na ka naikno te gnafa kau nauthoglu igne.”

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Nodi Khoje Hatimare Mae Jiu 78:23

Neubane eghu ngau mare, mana neke eni maloa na neke thora jateula kaisei grengatha neu.

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Jone 6:31

Ka narane teke jifla teke tei mae kuꞌeda tahati re kau namono nagou na, mare neke ghamu fabrahu u nafnata gano te kiloi mare u ‘manna’ na. Jateula te chekeni kau grioriso te blahi na, ‘God neke tusu ranghidi mare u gano funugna kligna na mala ghamu.’ ”