Jone 6:27 - Buka Blahi Ka Cheke Holo

²⁷ U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Jone 6:27 ပူးပေါင်းရင်းမြစ်များ

Kolose 3:2

Thosei ghathodi kolho unha te diꞌa ka nauthoglu igne, nu au nagnafami fara ka nakarhagna kligna na.

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Jone 6:54

Mae ihei te ghamuni thinigu iara na nei ko'uni dadaragu iara na teuna, mana athini karha fei tifa na. Iara ginauna fakarha fapuloni mana kau narane leghu lahu na.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Matiu 6:19

Mae Jisas ne cheke eghu, “Thosei salofodu malami themi dedei gna nauthoglu igne, naugna kokorosi nei kukuku eghu tangomana nate fadidiꞌa na. Eghuteuna mae te blaure tangomana te paꞌe suga na mala ruma blau.

Jone 6:58

Eghume igne u thofno gano tutuani teke mei funugna kligna na. Theome jateula u gano te kiloi ‘manna’ teke ghamuni mae ku'emi ghotilo ra eghu. Ke leghugna ghamu te gnafa mare u ‘manna’ tuana na mare neke kafe lehe ngala. Nu mae ihei te ghamuni u gano igne na mana ginauna karha fabrahu.”

Fapea Pita 1:17

Eghuteuna ka narane tuana God Kmada neke fafnaknoni nanghagna mae Jisas na, eghuteuna fasiasiglani mana ka nogna nolaghi te biꞌo na. Naugna God mae te nolaghi fara kligna lahu na neke cheke eghu mei, “Igne thofno mae Thugu iara na. Iara namhani mana nei keli taguni eghu mana.”

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Eklesiasti 6:7

Leuleghu narane na tahati loku mala ghamu kolho, nu gano te loku hetadi tahati igre theome naba kolho ka unha te magnahagheni tahati na.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Jone 3:33

Nu mae ihei te fatutuanidi unha te chekedi mana re, mana fatakleni unha te chekeni God na thofno tutuani fara.

Mae Khuru 2:22

“Ghotilo naiknomi Israel, fanomho fakeli kau cheke igre! God neke kuru meini mae Jisas gna Nasaret gne ka ghotilo, eghuteuna mana neke thofno falalase igne ka ghotilo kau gloku te nolaghi, nei u kofubobhoi, nei u fagaglana. Naugna God neke edi igre ka mana la filodihi ghotilo.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Luku 9:35

Eghuteuna thilomare ne nomhini cheke te mei ke lamna khoveo na. Cheke igne ne cheke eghu, “Igne mae Thugu iara na. Mana kaisei mae neke vavahi iara. Leghuni mana!”

Nodi Khoje Hatimare Mae Jiu 40:7

Kate cheke iagho na, iara eghu, “God, iara gne la meihila. Nou cheke iagho te mala farirhiu ghau iara na la kulu auhi ka nou buka vetula iagho na.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Hibru 12:16

Thosei snakreni kaisei naikno te mala eni tafri puhi te diꞌa na ba mala jateu mae Iso teke theome ghathoni God tifa ia eghu. Mae Iso gne neke kulu karha mala khotodi nogna glepo mae kmagna re. Nu mana neke kafe fofoli fahui malagna kaisei vido gano kolho ka mae tahigna na.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Kolose 2:22

Vetula igre chekedi kolho glepo te edi tahatire nu gnafa teura kolho. Naugna naikno kolho te edi haghedi te farirhiu vetula igre.

Ululahu Korin 9:2

Neubane theome filo glani ghau iara keha naiknore te mae khuru iara na, ghotilo filo glani ghau iara. Naugna ka nomi thofno nakarha majaghani ghotilo na, ghotilo kaisei balugna Lord. Igne fagaglana eigna te kaisei mae khuru tutuani iara na.

Ululahu Korin 6:13

Keha mae na jame jaola cheke eghu, “Thi'a na malagna gano, eghuteuna gano na malagna thi'a.” Uve. Nu God ginauna kafe roꞌedi phei glepo igre. Nu ghotilo theome tangomana te chekeni thini na mala gnognoro teuna. Naugna thini na mala loku ranghini Lord, eghuteuna Lord na mala funei frunini u thini na.

Letas Teke Riso Tei Mae Pol Ka Khiloau Rom 4:11

Kani theome tohi fagaglana nga teku na, mae Ebraham neke fatutuani ni God. Eghuteuna God filo glanini mae Ebraham jateula kaisei mae te doglo. Ke leghugna igne, mae Ebraham neke hata fagaglana gna tohi fagaglana jateula kaisei thotoghale eigna te mae doglo mana na. Naugna igne, mae Ebraham gne kafe ku'edi naikno te theome tohi fagaglana re, nu fatutuani ni God eghuteuna God ne filo glanidi jateula naikno te doglo.

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 11:42

Iara lase nigho te nomhini koba nogu tharai iara na. Nu iara chekedi glepo igre ka iagho eidi naikno te kegra faligoho ghau teu iara igre. Iara magnahaghedi mare te fatutuani nigho iagho mae teke kuru mei ghau iara na.”

Jone 8:18

Iara cheke eigu thegu, eghuteuna mae Mama mae teke kuru mei ghau iara na mana cheke eigu la iara.”

Nonomho Te Keli Teke Risoi Mae Mak 9:7

Ka vido tuana kaisei gromno ne mei toku tafrudi mare. Eghuteuna thilomare ne nomhini God te cheke eghu mei funugna kau gromno na, “Igne thofno mae Thugu iara na. Iara namhani fara mana. Ghotilo fanomho fakeli ka unha te chekedi mana re!”

Nonomho Te Keli Teke Risoi Mae Mak 1:11

Ka vido tuanala kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Jemes 1:11

Kate haghe naprai na, ginauna na brana e brana. Eghuteuna gaju tuare ginauna na brango ka nabrana gna naprai na, aonu chechenge gaju teke famane khuakhuda tuare ginauna na ghoꞌe khoko soru lehe. Na jateula tuana eghu mae ihei te dedei na. Kate loku teuna mana ginauna lehe kokodi nogna dedeire.

Fapea Korin 4:18

Eghume ghehati theome ghaoghatho eigna unha te filoni ka tathada na, nu ghehati ghaoghatho eigna unha te theome filoni nga teu tahati. Glepo te filodi tahati ka tathadare theome au raugha. Nu unha te theome tangomana te filoni tahati na, tuana nate au fabrahu ginauna.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Profet Habaku 2:13

Ghotilo naikno te tapla faparidi nei fasosolodi teu naiknodi keha kantri ra, eghuteuna paradi fara kate edi nomi glepo ghotilore teura ginauna nhako ka khaꞌaghi. Lord mae ihei te au nolaghi fateote'o igne nate eni na puhi igne!

Proveb 9:5

Ghotilo mei ghamu glalase! Ghotilo mei koꞌu gaoghatho te keli!

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Jone 3:15

Aonu ihei te fatutuani ghau iara na tangomana nate athini u karha fei tifa na.”

Jone 6:47

Tutuani fara te chekeni iara ka ghotilo na. Mae ihei te fatutuani ghau iara na, mana na athini u karha fei tifa na.

Jone 6:53

Mae Jisas ne cheke eghu ka mare, “Tutuani fara te chekeni iara ka ghotilo na. Te theome ghamuni ghotilo thinigu iara na nei theome ko'uni dadaragu iara mae teke mei funu ka God na teuna ghotilo ginauna theome athini u thofno karha na!

Jone 6:62

Te eghu na, na unha eghu ghotilo gaoghathomi na nate filo ghau iara mae teke mei funu ka God na teke pulo iara ka vido aheva teke kulu au iara tifa na?

Diutronomi 30:13

Theome au ke lamna nhorora, eghume iagho theome tangomana te cheke eghu na, ‘Ihei nate soru lamna nhorora te mala hata te mei ka tahati na, mala tangomana tahati te nomhi ni nei leghuni teuna?’