Jone 6:26 - Buka Blahi Ka Cheke Holo

²⁶ Mae Jisas ne cheke eghu ka mare, “Tutuani fara te chekeni iara ka ghotilo na. Ghotilo mei hiro ghau iara agne naugna ghotilo neke ghamu neke boho kau bret ra kolho. Nu ghotilo theome lase fakelidi kolho gaoghathodi u kofubobhoi teke edi iara ra.

Jone 6:26 ပူးပေါင်းရင်းမြစ်များ

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Filipae 2:21

Keha naiknore ghathodi thedi kolho, eghuteuna tirodi hironi puhigna mae Jisas Kraes.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Jone 6:2

Kmana naikno leghuni mana, naugna mare ne filodi nogna gloku te nolaghi te edi mana te fakelidi naikno te fogra re.

Nodi Khoje Hatimare Mae Jiu 78:37

Gaoghathodire theome nheta ka God. Naugna igne mare huhughuni nhaꞌa cheke teke eni God ka mare na.

Jone 6:24

Aonu, kate theome filoni mae Jisas jare baludi nogna mae fanomhore, mare saghe ka molare ne tei hironi mana Kapanam.

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Jone 3:3

Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Jone 6:64

Nu keha naikno ka ghotilo theome fatutuani ghau iara.” Funu ka vuvuhagna na mae Jisas la kulu lasedihi mae iheire te theome fatutuani ni mana re. Eghuteuna mana la lasenihi mae ihei nate majorani mana na.

Jone 6:53

Mae Jisas ne cheke eghu ka mare, “Tutuani fara te chekeni iara ka ghotilo na. Te theome ghamuni ghotilo thinigu iara na nei theome ko'uni dadaragu iara mae teke mei funu ka God na teuna ghotilo ginauna theome athini u thofno karha na!

Jone 6:47

Tutuani fara te chekeni iara ka ghotilo na. Mae ihei te fatutuani ghau iara na, mana na athini u karha fei tifa na.

Jone 6:30

Aonu, naiknore neke cheke eghu ka mana, “Edi sagho keha kofubobhoi mala fatutuani nigho ghehati. Unha glepo nate eni iagho na?

Jone 6:15

Ka narane tuana mae Jisas ne filo glanidi u gaoghathodi naiknore te magnahaghei huhuruni mana mala mae King. Aonu mana megei nga ne jifla ne tei au thegna kau thogele na.

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 6:36

Nu iara neke chekenihi ka ghotilo, neuba ghotilo ne filo ghauhi iara, ghotilo theome fatutuani ghau iara kolho.