Jone 6:19 - Buka Blahi Ka Cheke Holo

¹⁹ Kate ghorha te teihi mare nabagna glima kilomita na, mare ne filoni mae Jisas te nonolo te mei ka thagrugna kholo na, mana mei ne namo ka nodi mola mare na. Kate filoni mae Jisas na hatimare ne kafe mhaghu fara.

Jone 6:19 ပူးပေါင်းရင်းမြစ်များ

Jone 14:18

Iara na theome tei koko ghami ghotilo, jateula goro sua te theo ihei nga te mala tajidi ra eghu. Naugna iara nake pulo mei mala au balumi ghotilo.

Nodi Khoje Hatimare Mae Jiu 93:4

Nu iagho funei teu kligna na thono haghe salaꞌudi fara oa'onghadi nhorora gre. Uve, nou nolaghi iagho na thono biꞌo salaꞌudi fara nodi nolaghi nhorora gre.

Thoutonu Eigna Mae Job 9:8

Mana thegna kolho teke edi glepo te au ka maloa na are, eghuteuna mana tapla ke kligna galo mala muana nhorora na.

Profet Jona 1:13

Nu mae te loku ka vaka na igre ne tirodi te eni igne, aonu mare fariu riu ghorha vaka na tei mata. Neuba, mare theome tangomana, naugna nuri na nheta fara eghuteuna thongna na jaola malu fara.

Profet Esikiel 27:26

Mae te ghorha ka gorha re hata nigho iagho tei fari hotei nhorora, eghuteuna nara ke maghati na ghaghafa mei eghuteuna faknoho nigho iagho ke lamna nhorora!

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Thakle 21:16

Namono biꞌo igne au fati sulukhugna, eghuteuna krepagna na nanaba ngala ka brahugna na. Aonu engel na ne fafaja namono biꞌo igne ne thokeni phei thogha fati gobi kilomita. Brahugna na nei krepagna na nei haghegna na eghu ne kaisei nanaba ngala.

Thakle 14:20

Mana neke falehedi naikno te kmana te diꞌare ke kosigna namono biꞌo na. Kate lehe mare na, dadaradire ne thofa ne fodu ne haghe thokeni thilo gobi kilomita, sorugna na ne namo thokeni phei mita.

Jone 11:18

Nu Betani gne theome gaꞌu Jerusalem.

Luku 24:13

Kau narane tuanala phei nogna mae fanomho mae Jisas re ne tei ka namono te kiloi Emaus. Nu namono Emaus gne jame nabotho kaisei kilomita funu Jerusalem.

Luku 9:42

Kate mei mae sitei na ka vido te au teu mae Jisas na, naitu na ne koko soruni mana pari ne raraja. Nu mae Jisas ne cheke faheta ka naitu na mala jifla mei ka masitei na. Aonu mae Jisas neke fakelini mana nei ke tusu fapuloni mae sitei na ka mae kmagna na.

Jone 6:18

Ka vido tuana kaisei seseuru biꞌo ne mei ka mare, ne funu diꞌa u kholo na.

Jone 6:20

Nu mae Jisas ne cheke eghu mei ka mare, “Tore, thosei mhaghu! Iara mae Jisas!”