Jone 6:12 - Buka Blahi Ka Cheke Holo

¹² Ke leghugna te kafe ghamu te boho naiknore mae Jisas ne cheke eghu ka mae fanomhore, “Salo fodu ghotilo vido gano teke salaꞌui are na eghunu chochoghei tahati gano gre eghu.”

Jone 6:12 ပူးပေါင်းရင်းမြစ်များ

Luku 1:53

Mana toghodi iheire te rofo re mala fabohodi ka gano te keli. Mana brue fadelei iheire te dedei fara mala ke kuma.

Luku 9:17

Naikno te gnafare ne kafe ghamu ne boho. Eghuteuna mae fanomhore ne salo fodu vido gano teke salaꞌui re, ne fafofodu nabotho phei khara'o.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Nehemaea 8:10

Aonu iara ne cheke eghu ranghidi, “Ghotilo tei ka namono mala ei gaghamu biꞌo. Ghotilo ghamu gano te keli nei koꞌu waen te mamahe eghu, eghuteuna tufa keha gano nei waen eghu ka iheire te theome naba ghedi gano, naugna narane igne blahi ka noda Lord. Ghotilo thosei diꞌanagnafa nei tanhi eghu naugna Lord magnahaghei ghita tahati te glealeꞌa, eigna puhi glealeꞌa ngala te mala farheta ghita na.”

Proveb 18:9

Naikno te thodo na jateula mae te goigonidi gobigna lepo ra eghu.

Luku 15:13

“Theome kmana narane ke leghugna igne, mae ke iko na ne boiboli ne tei ka namono delei. Jare mana ne chochoghei fahui gobigna lepo teke khotodi mana re ka puhi te theo nafugna.

Luku 16:1

Mae Jisas jaola ne cheke eghu ka nogna mae fanomhore, “Kaisei mae dedei, mana au kaisei mae mala reireghidi nogna glokure. Mare mei ne fathoethoke ka mae te dedei na, naugna nogna mae funei gloku mana na ne fadidiꞌa la nogna sileni mana re.

Jone 2:2

Hatimare ne toreni mae Jisas baludi nogna mae fanomhore mala au langau ka gaghamu tholaghi igne.