Jone 5:39 - Buka Blahi Ka Cheke Holo

³⁹ Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Jone 5:39 ပူးပေါင်းရင်းမြစ်များ

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Matiu 22:29

Mae Jisas ne cheke eghu ka mare, “Ghotilo thono jafra fara! Naugna ghotilo theome lasedi gaoghathodi grioriso te blahi igre, nei ghotilo theome laseni la nogna nolaghi God na.

Profet Isaia 34:16

Ghotilo filo lamna ka nogna buka Lord igne mala iu'ijudi nogna cheke mana re. Glepo tautagu te gnafa, nei nanghaji te gnafa teu te chekedi iara igre ginauna au Idom jateula teke chekenihi Lord ka nogna buka na igne eghu. Eghuteuna Tharunga gna mana na ginauna salofodu meidi.

Mae Khuru 13:27

Iheire te au Jerusalem nei iheire te mala baubatu teuna theome filo glanini ngala mae Jisas te mae fakarhai na. Eghuteuna mare theome lase dila chekedi mae profet te iu'ijudi koba leuleghu narane Sabat. Nu cheke igre ne horoghoto fara kate fate faleheni mare mae Jisas.

Jone 5:46

Jame thofno fatutuanidi ghotilo unha teke chekedi mae Moses re na ghotilo tangomana te fatutuani ghau iara na, naugna mana neke rioriso eigu iara.

Profet Jeremaea 8:9

Nomi mae glalase ghotilo re ginauna mamaja nodi fara na theome leghuni nodi nabrou te doglo na, naugna mare la tirodinihi chekegna Lord na. Nodi glalase mare igne theome keli na theome toghodi mare.

Letas Teke Riso Tei Mae Pol Ka Khiloau Rom 3:2

Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Nonomho Te Keli Teke Risoi Mae Mak 12:10

Ghotilo neke iu'ijunihi grioriso te blahi te cheke eghu ia: “ ‘U thina teke tirodini mae iheire te horo suga na, kela kegra haghe kaisei thina ulu fara ka suga na.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Letas Teke Riso Tei Mae Pol Ka Khiloau Rom 1:2

Tifa na, God neke nhaꞌa cheke ranghi ghita eigna u Nonomho te Keli igne, eghuteuna vahidi hatimare mae profet mala rioriso eigna u nhaꞌa cheke igne ka nogna grioriso te blahire.

Mae Khuru 26:27

Ba ghema King Agripa, fatutuanidi sagho nodi cheke hatimare mae profet grea? Uve, te laseni iara na iagho fatutuanidi mare!”

Jone 7:52

Hatimare ne cheke eghu ka mae Nikodimas, “Ba, iagho mae funumu Galili la sia? Hiro fakelidi sagho grioriso te blahi igre, iagho ginauna theome filoni kaisei mae profet te mei funu Galili na.”

Jone 5:32

Nu kaisei mae ngau te au teu te mala cheke eigu iara ka naiknore, eghuteuna iara laseni unha te chekedi mana eigu iara re thofno tutuani fara.

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Diutronomi 18:18

Uve, iara ginauna kuru mei kaisei mae profet jateula iagho eghu, eghuteuna mana ginauna kaisei mae kheradi thedi. Iara ginauna cheke lao ka mana nogu chekere, eghuteuna mana ginauna cheke ka naiknore gobigna lepo teke chekedi iara ka mana ra.

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Jone 5:36

“Nu glepo te edi iara igre, ke biꞌodi teke chekedi mae Jone rei, naugna u kofubobhoi te edi iara igre neke edi kau nogna nolaghi mae Mama neke famei ka iara. Eghuteuna u kofubobhoi te edi iara igre u fagaglana gna mae Mama teke kuru mei ghau iara na.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Luku 16:29

“Nu mae Ebraham ne cheke eghu ka mana, ‘Mare au nogna vetula mae Moses, nei nodi grioriso hatimare mae profet ra te mala iu'iju na. Lisa laodi mala fanomho thedi ka cheke tuare.’

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Hibru 11:35

Keha gaꞌase te fatutuani ni God, thudi teke lehere neke karha fapulo. Keha naikno te fatutuani ni God re, mae te naoka ka mare re puridi ne ghilei lehe, naugna mae naokare ne cheke eghu ranghidi, “Ghehati tangomana te fasnagla ghami eghu jame te chekeni ghotilo te theome fatutuani ni God teuna.” Nu mae fatutuanire ne cheke eghu, “Theo fara! Ghehati theome magnahaghei te leghuni nomi vetula ghotilo na.” Mare magnahaghei te karha fapulo ka glehe te mala au fabrahu balugna God kligna.

Diutronomi 29:29

“Lord noda God tahati na au keha nogna gaoghatho poru te theome tangomana kaisei naikno te laseni. Nu mana cheke ranghi ghitahi ka nogna vetula na, nei ka iheire nate karha mei ke leghuda, eghume tahati mala leghudi fabrahu nogna cheke te gnafa mana re.”

Luku 24:25

Ke leghugna igne mae Jisas ne cheke eghu ka phiamare, “Tore, ghopa gne ihou kolho signe. Ghopa gne theome faghose fatutuanidi kolho gobigna lepo teke chekedi hatimare mae profet ra!

Jone 5:40

Neubane eghu ngau ne cheke eigu iara u grioriso te blahi gre ghotilo theome magnahagheini te mei ka iara te mala athini u thofno karha tuana.

Nonomho Te Keli Teke Risoi Mae Mak 10:3

Mae Jisas neke ghusna eghu fapulo ka mare, “Unha vetula si teke tusu ari mae Moses ka ghotilo tifa na ia?”