Jone 5:38 - Buka Blahi Ka Cheke Holo

³⁸ Eghuteuna chekegna mana re theome au ka nagnafami ghotilo re, naugna ghotilo ne theome fatutuani ghau iara mae teke kuru mei mae Mama gne.

Jone 5:38 ပူးပေါင်းရင်းမြစ်များ

Ululahu Jone 2:14

Iara riso ari ka ghotilo goro sua nalhaꞌu nei goro sua gaꞌase teura, naugna ghotilo lasenihi Mama. Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo heta fara. Eghuteuna chekegna God na au balumi nei ghotilo tapla sorunihi mae Satan.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Jone 8:37

Iara lase ghami ghotilo thofno vikegna mae Ebraham. Nu iara lase ghami ghotilo magnahaghei te falehe ghau iara, naugna ghotilo theome magnahaghei te leghudi u nogu farirhiu iara re.

Jone 1:11

Mana mei au ka nogna namono thegna na. Nu nogna naikno thegna mana re theome keli tadi ngala ka mana.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Profet Isaia 26:10

Neuba iagho ne namhadi naikno te diꞌa igre, mare ginauna na theome laseni kolho puhimu iagho te doglo na. Eghuteuna neuba mare ne au farihoteidi naikno te doglo igre, mare ginauna leghudi fabrahu kolho puhi te diꞌare, eghuteuna mare theome tangomana te filo glani nigho iagho King te haghe fara na.