Jone 5:37 - Buka Blahi Ka Cheke Holo

³⁷ Uve, mae Mama mae ihei teke kuru mei ghau iara na, mana thegna neke cheke eigu la iara. Ghotilo neke theome nomhini u naoglagna mana na, nei theome filoni la mana.

Jone 5:37 ပူးပေါင်းရင်းမြစ်များ

Jone 8:18

Iara cheke eigu thegu, eghuteuna mae Mama mae teke kuru mei ghau iara na mana cheke eigu la iara.”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Ululahu Jone 4:20

Jame kaisei naikno cheke eghu, “Iara namhani God,” nu tirognani kheragna fofodu na teuna, mana kaisei mae chaichaghi. Eigna mana theome tangomana te namhani God, mae ihei mana te theome filoni, jame te theome namhani mana mae kheragna fofodu na, mae ihei mana te filoni.

Ululahu Jone 4:12

Theo kaisei naikno te filoni God, nu te fari namhai tahati na, God au baluda nei nogna namha na thofno horoghoto ke lamnada.

Jone 14:9

Mae Jisas ne cheke eghu ka mana, “Ghema Filip, iara au raughahi balumi ghotilo. Ba theome lase fakeli ghau ngala iara si ghotilo ia? Tutuani fara, mae ihei te filo ghau iara na, mana la filonihi mae Mama. Naugna unha site chekeni iagho, ‘Fatakle ranghi ghami mae Mama na’ teu gnea?

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Diutronomi 4:12

Lord au neu ke lamnagna khaꞌaghi igne neke cheke mei ka kuꞌemi ghotilo ra. Kate cheke mana na, mare neke nomhidi nogna cheke mana re, nu mare neke theome filoni mana.

Eksodas 20:19

ne cheke eghu ka mae Moses, “Jame te cheke iagho ka ghehati na, ghehati ginau na nomhi nigho iagho. Thosei snakreni God mala cheke ka ghehati na, na eghunu lehe ghehati eghu.”

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Profet Isaia 26:10

Neuba iagho ne namhadi naikno te diꞌa igre, mare ginauna na theome laseni kolho puhimu iagho te doglo na. Eghuteuna neuba mare ne au farihoteidi naikno te doglo igre, mare ginauna leghudi fabrahu kolho puhi te diꞌare, eghuteuna mare theome tangomana te filo glani nigho iagho King te haghe fara na.

Nonomho Te Keli Teke Risoi Mae Mak 1:11

Ka vido tuanala kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.

Jone 5:32

Nu kaisei mae ngau te au teu te mala cheke eigu iara ka naiknore, eghuteuna iara laseni unha te chekedi mana eigu iara re thofno tutuani fara.

Ululahu Jone 5:9

Tahati fatutuani ka unha te chekeni naikno na. Nu unha te chekeni God na thono heta fara uluni chekegna naikno, eghuteuna mana cheke eigna Thugna.