Jone 5:36 - Buka Blahi Ka Cheke Holo

³⁶ “Nu glepo te edi iara igre, ke biꞌodi teke chekedi mae Jone rei, naugna u kofubobhoi te edi iara igre neke edi kau nogna nolaghi mae Mama neke famei ka iara. Eghuteuna u kofubobhoi te edi iara igre u fagaglana gna mae Mama teke kuru mei ghau iara na.

Jone 5:36 ပူးပေါင်းရင်းမြစ်များ

Jone 10:25

Mae Jisas ne cheke eghu ka mare, “Iara la chekehi ka ghotilo, eghuteuna ghotilo theome fatutuani ghau ngala iara. Ghotilo la filodihi gloku biꞌo teke edi iara ka nogna nolaghi mae Mama. Eghuteuna glepo te edi iara igre ngala te mala lase ghau iara ghotilo na.

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Jone 2:23

Kate au teu mae Jisas Jerusalem malagna u narane Gaghamu Ghasa-Polho na, kmana naikno filodi u kofubobhoi teke edi mana re ne fatutuani ni mana.

Ululahu Jone 5:9

Tahati fatutuani ka unha te chekeni naikno na. Nu unha te chekeni God na thono heta fara uluni chekegna naikno, eghuteuna mana cheke eigna Thugna.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 3:17

Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.

Matiu 11:4

Mae Jisas ne cheke eghu ka mare, “Ke figri si ghotilo ka mae Jone mala toutonu ka mana, unha te nomhidi nei filodi teu ghotilo ra:

Mae Khuru 2:22

“Ghotilo naiknomi Israel, fanomho fakeli kau cheke igre! God neke kuru meini mae Jisas gna Nasaret gne ka ghotilo, eghuteuna mana neke thofno falalase igne ka ghotilo kau gloku te nolaghi, nei u kofubobhoi, nei u fagaglana. Naugna God neke edi igre ka mana la filodihi ghotilo.

Jone 5:32

Nu kaisei mae ngau te au teu te mala cheke eigu iara ka naiknore, eghuteuna iara laseni unha te chekedi mana eigu iara re thofno tutuani fara.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Jone 17:4

Iara na fatakleni nou nolaghi biꞌo iagho na ka naiknogna nauthoglu igne. Eghuteuna iara la loku fahuidihi gobigna lepo mala edi iara teku iagho ra.

Jone 11:37

Nu keha naiknore ne cheke eghu, “Tifei na mae igne neke fakelidi phia tathagna mae teke dofu na. Theome tangomana si mana te fakarhani mae Lasaros gnea, mala theome lehe mana?”

Luku 2:49

Mae Jisas ne cheke eghu, “Ido, naugna unha ghopa ne hiro ghau iara? Ghopa theome laseni te keli fara te au iara ka sugagna mae Kmagu na?”