Jone 5:35 - Buka Blahi Ka Cheke Holo

³⁵ Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Jone 5:35 ပူးပေါင်းရင်းမြစ်များ

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Matiu 11:11

Tutuani fara, te chekeni iara ka ghotilo na, mae Jone Apublahi gne kaisei mae biꞌo fara ka fiti naikno te gnafa ka nauthoglu igne. Nu naikno te ikoi fara ke lamnadi naikno God te funei frunidi igre, mana mae ke biꞌo gna mae Jone.

Jone 6:66

Ke leghugna te cheke eghu mae Jisas igne, kmana naikno teke leghuni fabrahu mana re, mare ne tei kokoni mana neke tirodi leghuni mana.

Luku 7:28

Tutuani fara, te chekeni iara ka ghotilo na, mae Jone Apublahi gne kaisei mae biꞌo fara ka fiti naikno kolho te gnafa kau nauthoglu igne. Nu naikno te ikoi fara ke lamnadi naikno God te funei frunidire, mana mae biꞌo fara uluni mae Jone.”

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Matiu 21:26

Nu jame cheke eghu tahati, ‘Naikno kolho teke tusu lao nolaghi ka mae Jone’, naiknore ginauna diꞌa tadi ka tahati naugna mare kafe fatutuani mae Jone na kaisei mae profet.”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Fapea Samuel 21:17

Nu mae Abisae thugna Seruia igne mei ne toghoni King Devet ne faleheni mae te biꞌo fara jateula goigholi teu te nheta fara ka magra igne. Ke leghugna igne, nogna soldia mae Devet igre ne nhaꞌa cheke eghu, “Iagho thosei mei balumi ghehati ka magra. Eigna iagho jateula nodi juta eghu mae Israel, eghume ghehati theome snakreni kaisei naikno te mala falehe nigho iagho na.”

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Nonomho Te Keli Teke Risoi Mae Mak 1:5

Ka narane tuana, kmana naiknodi Jerusalem nei naiknodi ka keha namono ka Provins Judia eghu ne mei fanomho ka mana. Mare ne mei cheke thakledi nakhibodire ka mae Jone ne apublahi ka mana ka Kho'u Jordan.

Eksodas 34:35

leuleghu fata na naiknore tangomana te filodi tathagna nei foflogna teu mana re siasigla. Aonu Moses toku tafru tathagna nei foflogna teure ghilei thokeni narane teke tei mana te mala ke cheke balugna Lord.