Jone 5:15 - Buka Blahi Ka Cheke Holo

¹⁵ Aonu, mae igne laseni mae Jisas ne tei cheke eghu ka mae biꞌodi mae Jiure, “Mae teke fakeli ghau iara na, nanghagna na mae Jisas!”

Jone 5:15 ပူးပေါင်းရင်းမြစ်များ

Jone 4:29

“Ghotilo re, kaisei mae na ne chekedi ka iara gobigna lepo teke edi iara tifa re. Mei si ghotilo filoni mana. Glahula me mae igne ngala mae Kraes na!”

Jone 9:34

Aonu, hatimare diꞌa tadi fara ka mana ne cheke eghu, “Ghema, iagho mae tuana diꞌa fabrahu ngala puhimu na funu karha mei mu! Iagho theome naba te farirhiu ghami ghehati na!” Aonu, hatimare ne faꞌau kosini mana kau suga tharai na.

Jone 9:30

Mana ne cheke eghu ka mare, “Tore! Iara la thono jaglo nogu fara ka ghotilo sia! Ghotilo theome laseni aheva teke mei mana na, nu mana au nolaghi neke fakelidi phei tathagu iara gre.

Jone 9:25

Eghuteuna, mana ne cheke eghu ka mare, “Iara theome laseni ne mae diꞌa fara mana puhigna teuna. Nu kaisei glepo te lase fakelini iara na, iara neke dofu, eghuteuna gognaro na iara kela fifilo!”

Jone 9:15

Hatimare mae Farasi neke ghusnani langau mana eigna teke keli fapulo mana phei tathagnare. Mana ne cheke eghu ka mare, “Mae igne ne muki glose te bothu na ka phei tathagu iara re. Kate tei dadalu iara tathagure, iara neke fifilo fakeli.”

Jone 5:12

Hatimare ne ghusna eghu ka mana, “Ghema, mae ihei teke cheke nigho iagho te mala hata nou khifra na te mala nonolo te tei na?”

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Jone 5:10

Aonu, hatimare mae biꞌodi mae Jiu igre ne cheke eghu ka mae teke keli fapulo na, “Gognarogne narane Sabat. Thono blahi fara ka noda vetula tahati na te pala iagho nou khifra na kau narane Sabat gne.”

Jone 5:16

Aonu funu ka narane tuana, hatimare mae biꞌodi mae Jiure ne theome magnahagheini mae Jisas. Mare mei ka mae Jisas ne funu cheke faparini mana, naugna mana ne fakelini mae igne kau narane Sabat te blahi fara kau vetula na.

Jone 5:18

Kate nomhidi mae biꞌodi mae Jiu gre cheke te edi mae Jisas igre, mare fariuriu fara te mala faleheni mae Jisas. Theome naugna te huhughuni mana vetula eigna narane Sabat na kolho, nu mana ne kiloni thegna mae Thugna God. Gaoghathogna igne mana magnahaghei te kaisei ngala balugna God.