Jone 4:6 - Buka Blahi Ka Cheke Holo

⁶ Kaisei seu teke dokha mae Jekop na au ngala jare. Aonu mae Jisas lao ne gnokro soru rhegna seu tuana, naugna mana ne babaꞌo fara ka thei. Ka vido tuana jame tanhi nabotho phei fari hotei naublatha.

Jone 4:6 ပူးပေါင်းရင်းမြစ်များ

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Matiu 8:24

Kate kasa mare ka kholo na, kaisei nuri blahi ne thoke mei ka mare fari hotei nhorora. Kholo na ne funu diꞌa, ne galo biꞌo fara, kholo na ne funu haghe ka mola na. Nu mae Jisas ne thuru iho.

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Matiu 4:2

Kate theome ima mana ke lamnadi phiatutu narane nei phiatutu bongi teu igre, mae Jisas ne rofo fara.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Jone 11:9

Mae Jisas ne cheke eghu ka mare, “Tore, kaisei narane na nabotho phei aoa ke lamnagna. Eghume, mae ihei te tei ka narane na mana theome tangomana te totokhei na, naugna mana ne filoni u naphae na kau nauthoglu igne.

Luku 9:58

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Luku 2:7

Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.

Jone 4:5

Jare Samaria, mana ne mei posa ka namono te kiloi Saeka. Namono igne au rhegna sare teke tusu lao mae Jekop ka mae thugna Josep tifa.

Jone 4:7

Ka vido tuana hatimare mae fanomhore neke tei kokoni mana mala foli gano ka namono na. Kaisei gaꞌase gna Samaria ne mei ka seu na mala toho khoꞌu. Aonu, mae Jisas ne cheke eghu ka gaꞌase na, “Mei katha ghegu khoꞌu.”

Jone 4:12

Ba iagho, mae biꞌo uluni mae kuꞌeda Jekop mae teke tusu ranghi ghita u seu igne sia? Naꞌa baludi goro thugnare nei nodi bulukare eghu neke koꞌu la ka khoꞌu igne tifa na.”