Jone 4:42 - Buka Blahi Ka Cheke Holo

⁴² Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Jone 4:42 ပူးပေါင်းရင်းမြစ်များ

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Jone 17:8

U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.

Jone 4:29

“Ghotilo re, kaisei mae na ne chekedi ka iara gobigna lepo teke edi iara tifa re. Mei si ghotilo filoni mana. Glahula me mae igne ngala mae Kraes na!”

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Jone 11:17

Kate posa mae Jisas Betani na, thinigna mae Lasaros na la auhi fati narane ke lamna gluma.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Jone 4:41

Kmana naikno langau neke fatutuani ni mae Jisas naugna ka unha te chekedi mana re.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Mae Khuru 13:23

“Aonu God ne hata kaisei mae ka vikegna mae Devet na mala nodi fakarhai hatimare mae Israel, mae igne mae Jisas! Eigna God neke kulu nhaꞌa chekenihi igne.

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.