Jone 4:32 - Buka Blahi Ka Cheke Holo

³² Nu mae Jisas ne cheke eghu ka mare, “Iara au ghegu gano te mala ghamu na, ghotilo theome laseni.”

Jone 4:32 ပူးပေါင်းရင်းမြစ်များ

Thoutonu Eigna Mae Job 23:12

Leuleghu fata na, iara leghudi nogna cheke God te rheta tulao. Uve, iara thofno tajidi nogna cheke mana re ka nagnafagu na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Proveb 18:20

Jame te keli chekemu iagho na, thiꞌamu iagho na ginauna gleale'a fara.

Proveb 14:10

Theo kaisei mae te laseni nogna diꞌanagnafa keha naikno na. Eghuteuna mana thegna kolho te laseni nogna gleale'a na.

Nodi Khoje Hatimare Mae Jiu 63:5

Lord, iara thofno glealeꞌa fara ka iagho, jateula mae te ghamu gano te keli te bohora eghu. Iara thofno keli tagu fara na pala hagheni nanghamu iagho na.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Jone 4:31

Ke leghugna teke pulo naꞌa ka namono Saeka na mae fanomhore ne cheke eghu ka mana, “Velepuhi, ima gheu!”

Jone 4:33

Kate nomhini mare te cheke eghu mana igne, mae fanomhore ne funu cheke eghu fari thedi, “Glahula keha naikno neke hata gano neke mei ka mana!”