Jone 4:20 - Buka Blahi Ka Cheke Holo

²⁰ Tifa na mae ku'emi ghehati mae Samaria gre neke tarai lao ka God ka thogele igne. Nu ghotilo mae Jiure te chekei na Jerusalem kolho thofno vido te mala tei tahati te mala tarai lao ka God na eghu.”

Jone 4:20 ပူးပေါင်းရင်းမြစ်များ

Diutronomi 27:12

“Kate kasa te gnafa ghotilo ka Khoꞌu biꞌo Jordan, vikegna Simion, Livae, Juda, Isaka, Josep, nei mae Benjamin teu igre mala tei kegra ka thogele Gerisim mala fablahidi naiknore.

Diutronomi 11:29

Kate hata ghami Lord nomi God te tei ka glose nate hata ghotilo na, ghotilo mala chekedi phei philedi cheke igre. Kate kegra ghotilo ka thogele Gerisim, ghotilo mala chekeni phile cheke aheva gne nate fablahi ghami mana na. Eghuteuna kate kegra ghotilo ka thogele Ebal, ghotilo mala chekeni phile cheke aheva gne nate eni mana puhi biꞌo na te mala thoke ghami ghotilo na.”

Fapea Kronikols 7:12

Aonu Lord mei bongiro ne cheke eghu ka Solomon: “Iara la nomhinihi nou tharai iagho ia. Iara la vahinihi Sugablahi igne, eghuteuna ghotilo ginauna mei agne mala fafara ka iara.

Luku 9:53

Nu naiknogna namono tuana ne theome magnahagheni mana te tei ka nodi namono na, naugna mare neke filo glani mana kate haghe Jerusalem na.

Nodi Khoje Hatimare Mae Jiu 132:13

Lord, neke vahini Saion. Mana magnahagheni mala nogna namono.

Nodi Khoje Hatimare Mae Jiu 78:68

Nu mana neke vahini vikegna mae Juda, nei Thogele Saion te thono magnahagheni fara mana na.

Fapea Kronikols 7:16

Iara ngala neke vahini nei fablahini neku Sugablahi teke horo iagho igne. Nanghagu iara na ginauna au fabrahu ka vido igne. Iara ginauna reireghini, eghuteuna iara ginauna ghatho branani fabrahu.

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Ululahu Kronikols 22:1

Aonu mae Devet au neu ka nogna glose mae Arauna igne ne cheke eghu, “Tahati ginauna horo nogna Sugablahi Lord mae ihei te God na ka vido igne. Eghuteuna olta te mala gahu fafara na ginauna jaola au agne.”

Ululahu Kronikols 21:26

Eghuteuna mae Devet ne babana kaisei nogna olta Lord ka vido igne. Eghuteuna mana ne gahu fafara ka Lord, kehare knoro fara, nei kehare mala au ka pharikeli balugna Lord. Mae Devet ne tarai ka Lord, eghuteuna Lord nomhini nogna tharai mana na ne kuru soru khaꞌaghi funu kligna ne gahu fafara te au ka olta igne.

Ululahu Kings 9:3

Lord ne cheke eghu ka mae Solomon, “Iara nomhini nou tharai iagho ia nei unha teke toreni iagho ia. Eghuteuna iara gognarona fablahi Sugablahi teke horo iagho igne. Eghuteuna naiknore ginauna pogho soruni fabrahu nanghagu iara na ka vido igne. Iara ginauna na reireghini nei ghathoni eghu fabrahu Sugablahi igne.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Jone 4:12

Ba iagho, mae biꞌo uluni mae kuꞌeda Jekop mae teke tusu ranghi ghita u seu igne sia? Naꞌa baludi goro thugnare nei nodi bulukare eghu neke koꞌu la ka khoꞌu igne tifa na.”