Jone 4:12 - Buka Blahi Ka Cheke Holo

¹² Ba iagho, mae biꞌo uluni mae kuꞌeda Jekop mae teke tusu ranghi ghita u seu igne sia? Naꞌa baludi goro thugnare nei nodi bulukare eghu neke koꞌu la ka khoꞌu igne tifa na.”

Jone 4:12 ပူးပေါင်းရင်းမြစ်များ

Hibru 3:3

Nu te keli na tahati kafe ghatho tahuni mae Jisas, ke tulao gna mae Moses, jateula ngau naiknore ghatho tahuni mae ihei teke horo gna u suga na, ke tulao gna ghatho tahuni eigna suga na.

Jone 4:6

Kaisei seu teke dokha mae Jekop na au ngala jare. Aonu mae Jisas lao ne gnokro soru rhegna seu tuana, naugna mana ne babaꞌo fara ka thei. Ka vido tuana jame tanhi nabotho phei fari hotei naublatha.

Matiu 12:42

Kau narane tuana God ginauna fatedi naikno te gnafare, nakrupe biꞌo gna Siba na kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna naꞌa neke mei funugna ka namono te khaba fara mala fanomho ka nogna farirhiu te keli mae King Solomon. Eghuteuna te chekeni iara ka ghotilo na, kaisei mae te biꞌo uluni mae King Solomon na auhi agne mala toutonuni chekegna God na!”

Jone 8:53

Ba, iagho mae ke biꞌogna mae kmada Ebraham sia? Mana lehehi tifa nei hatimare mae profet ra jaola lehehi eghu sia. Ba, iagho mae ihei sia, mala cheke eghu iagho?”

Jone 4:5

Jare Samaria, mana ne mei posa ka namono te kiloi Saeka. Namono igne au rhegna sare teke tusu lao mae Jekop ka mae thugna Josep tifa.

Jone 4:13

Mae Jisas ne cheke eghu ka naꞌa, “Tutuani fara, ihei te koꞌu ka seu igne na, ginau nake roi koꞌu ngala.

Jone 4:20

Tifa na mae ku'emi ghehati mae Samaria gre neke tarai lao ka God ka thogele igne. Nu ghotilo mae Jiure te chekei na Jerusalem kolho thofno vido te mala tei tahati te mala tarai lao ka God na eghu.”