Jone 3:36 - Buka Blahi Ka Cheke Holo

³⁶ Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Jone 3:36 ပူးပေါင်းရင်းမြစ်များ

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Jone 1:12

Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God.

Ululahu Tesalonika 5:9

God theome vahi ghita mala para ghita kate diꞌatagna, nu mala hatini tahati u thofno nakarha na ka noda Lord Jisas Kraes.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Letas Teke Riso Tei Mae Pol Ka Khiloau Rom 5:9

Tutuani, gognaro na u dadaragna Kraes na togho ghitahi mala au doglo ka tathagna God na. Eghume te laseni tahati na, Kraes ginauna fakarhi ghita eigna God ginauna theome diꞌatagna ka tahati ka narane te mala fatedi naiknore.

Jone 8:51

Tutuani fara, te chekeni iara ka ghotilo na, mae ihei te leghuni chekegu iara na, mana ginauna theome lehe tifa e tifa.”

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Jone 3:3

Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Luku 3:6

Naikno te gnafa ka nauthoglu igne ginauna na filoni God te mei fakarhidi nogna naiknore.’ ”

Nodi Khoje Hatimare Mae Jiu 49:19

Neuba, mana ginauna leheu, eghuteuna mana ginauna tei au lamna beku baludi kuꞌegna teke lehe tifa ra.

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Thoutonu Eigna Mae Job 33:28

Iara namo lehe mala soru pari ka beku, nu mana hata fapulo ghau iara kau glehe, eghuteuna iara gognarona karhau mala filoni naphae na.’

Letas Teke Riso Tei Mae Pol Ka Khiloau Rom 4:15

Tutuani nogna vetula mae Moses na ne cheke eghu, “God ginauna paradi naikno te theome leghuni u vetula na.” Nu jame te theo kaisei vetula na, naiknore ginauna jaola theome huhughuni vetula na.

Luku 2:30

Naugna mae teke vavahi iagho mala fakarhidi naikno te gnafare, gognaro iara la thofno filonihi ka tathagu na.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Nonomho Te Keli Teke Risoi Mae Mak 16:16

Ihei te fatutuani ni Nonomho te Keli na, eghuteuna apublahi teuna ginauna na hatini karha fei tifa na. Nu ihei te theome fatutuani na, God ginauna na fate faleheni mana.

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Jone 6:58

Eghume igne u thofno gano tutuani teke mei funugna kligna na. Theome jateula u gano te kiloi ‘manna’ teke ghamuni mae ku'emi ghotilo ra eghu. Ke leghugna ghamu te gnafa mare u ‘manna’ tuana na mare neke kafe lehe ngala. Nu mae ihei te ghamuni u gano igne na mana ginauna karha fabrahu.”

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Hibru 3:18

Ka iheire si teke nhaꞌa cheke mana tadi mala theome gnafa balugna teku igrea? Mana neke cheke ka naikno te theome leghudi nogna chekere.

Hibru 3:19

Eghume te laseni tahati na, mare theome tangomana te thoke ka namono te mala gnafa na naugna mare ne theome fatutuani ni God.