Jone 3:31 - Buka Blahi Ka Cheke Holo

³¹ Mae ihei teke mei funu kligna na, mana mae ke biꞌo laodi mae te gnafare. Mae ihei teke karha mei ka nauthoglu igne na mana nogna nauthoglu kolho, eghuteuna mana tangomana te cheke eidi kolho glepo gna nauthoglu igne. Nu mae ihei teke mei funu kligna na, mana mae ke biꞌo laodi mae te gnafare.

Jone 3:31 ပူးပေါင်းရင်းမြစ်များ

Jone 8:23

Mae Jisas ne cheke eghu ka mare, “Ghotilo neke karha ka nauthoglu igne kolho, eghuteuna iara theome maegu ka nauthoglu igne. Nu iara neke mei funu kligna ka God.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Jone 6:33

U gano teke tusu mei God na mae ihei teke soru mei funugna kligna te mala tusu lao u karha na ka naikno te gnafa kau nauthoglu igne.”

Ululahu Jone 4:5

Mae igre nogna nauthoglu igne. Naugna igne mare cheke eigna puhigna nauthoglu, eghuteuna naiknogna nauthoglu gne fanomho ka mare.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Jone 1:27

Mana na mei ke leghugu iara, nu iara theome nabagu te rurutha nogna sadol mana re naugna mana mae ke biꞌogu iarai.”

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Hibru 9:1

Kau nhaꞌa cheke ulu lahu na au kaisei vetula maladi iheire te pogho soru ka God nei kaisei vetula eigna vido te mala pogho soru ka God teke horo naikno ka nauthoglu igne.

Jone 1:30

Mae igne ngala mae teke chekeni iara ia. Iara neke cheke eghu, ‘Kaisei mae ginauna mei ke leghugu iara, nu mana mae ke biꞌogu iarai, naugna mana neke kulu auhi neke karha mei nga iara.’

Jone 1:15

Mae Jone neke cheke eghu eigna mana, “Igne mae teke chekenihi iara ka ghotilo ia, ‘Mae te mei ke leghugu iara na, mana mae ke biꞌogu iarai, naugna mana neke kulu auhi neke karha nga iara.’ ”

Jone 3:30

Eghume te keli na mana mala ke mae biꞌo, eghuteuna iara mala au ke parigna mana.”