Jone 3:3 - Buka Blahi Ka Cheke Holo

³ Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Jone 3:3 ပူးပေါင်းရင်းမြစ်များ

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Ululahu Jone 3:9

Ihei te thugna God na mana theome tapla jafra fabrahu ka nakhibo, naugna God tusu ranghini mana nakarha majaghani. Eghume mana theome tangomana te tapla jafra fabrahu ka nakhibo na, naugna mana kaisei thugna God.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Taetus 3:5

Mana neke fakarhi ghita. Nu mana neke theome fakarha ghita eidi unha gloku te keli teke edi tahati re, theo! Ka nogna kokhoni ghita kolho mana teke fakarha ghita na. Mana neke tusu mei ka tahati u nogna Tharunga te Blahi na mala fagagaedi u nagnafadare, nei hatini tahati u karha majaghani na.

Jone 1:13

Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Galesia 6:15

Neuba mae ihei ne vahe ba ne theome vahe, tuana theo nafugna kolho. Glepo te ulu na God mala ke vuavuha fapuloni mana mala ke majaghani fapulo.

Ululahu Jone 5:18

Tahati laseni ihei te thugna God na theome mala tapla jafra fabrahu ka nakhibo, naugna mae Jisas Thugna God na reireghi fakelini mana, eghuteuna mae Satan theome tangomana te habo lao ka mana.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Jone 12:40

“God neke fadodofu tathadire nei famamhaku nagnafadire. Naugna igne gognaro na tathadire la dofuhi nei nagnafadire la ihohi. Naugna igne mare ginauna theome ke pulo mei ka iara mala fakarhidi.”

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Jone 1:5

Naphae igne neke faphaedi namono te romno re, eghuteuna gromno na theome tangomana te toku tafruni naphae na.

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Jone 1:51

Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Matiu 5:18

Nu tutuani fara te chekeni iara ka ghotilo na, kate au nga teu nauthoglu ghe maloa gre baludi gobigna lepo igre, ginauna theome hata koko kaisei phugra cheke ikoi kau nogna vetula mae Moses na, ghilei horoghoto ka gaoghathodire.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Profet Esikiel 36:26

Iara ginauna tuthughu nakarhami ghotilo te thona are mala ke majaghani fapulo. Eghuteuna iara ginauna tusu ari gaoghatho majaghani ka ghotilo, mala tarai kolho ghotilo ka iara. Iara ginauna hata fadelei gaoghatho te diꞌare te batu ghami te patu gama ghotilo are, eghuteuna iara ginauna tusu ari gaoghatho te keli ka ghotilo mala tangomana ghotilo te leghu ghau iara na.

Matiu 19:24

Uve, te chekeni iara ka ghotilo na, theome tangomana kamel na te ruma ka khoragna nili na. Eghuteuna ke ninhigrana gna tuanai mae dedei nate ruma baludi naikno te funei frunidi God re.”

Matiu 21:31

“Mae ihei ka phia mae sua igre te leghuni chekegna mae kmagna na?” Hatimare mae pris nei hatimare mae biꞌo teu gre ne cheke eghu ka mana, “Mae sua ke ulu gne.” Mae Jisas ne cheke eghu ka mare, “Tutuani fara, te chekeni iara ka ghotilo na. Hatimare mae te diꞌa te salo takis nei goro gaꞌase vine teu igre ginauna au ke lamnadi naikno te funei frunidi God igre ame ghotilo nga eghu.

Nonomho Te Keli Teke Risoi Mae Mak 9:47

Eghuteuna jame tathamu iagho na batu fadiꞌa nigho ka nakhibo, hata koko! Te keli na te kaisei tatha kolho te ruma iagho ka vido aheva God te funei frunidi fabrahu nogna naiknore. Theome keli te kafe au teu phei tathamure te tei iagho Gehena na.

Nonomho Te Keli Teke Risoi Mae Mak 10:14

Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Jone 3:4

Mae Nikodimas neke ghusna eghu ka mana, “Nu jame kaisei mae tela khomabrohi na, faꞌunha eghu ke karha si mana gnea? Naikno na theome tangomana teke fapea rumai ka thi'a idogna na mala teke karha majaghani na.”

Ululahu Jone 5:4

Ihei te thugna God na, mana fatutuani ni mae Jisas. Eghume mana au nolaghi mala tapla soruni puhigna nauthoglu igne.