Jone 3:23 - Buka Blahi Ka Cheke Holo

²³ Ka narane tuare mae Jone ne faꞌapublahi naiknore ka namono Aenon rhegna Salim, naugna jare na au khoꞌu. Kmana naikno ne tei jare mala apublahi ka mana.

Jone 3:23 ပူးပေါင်းရင်းမြစ်များ

Luku 3:7

Kmana naikno fara ne mei ka mae Jone mala apublahi. Mae Jone ne cheke eghu ka naikno te mei apublahi re, “Ghotilo jateula pholi eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna mala rikhani teu diꞌatagna God tela namo meihi na?

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Profet Esikiel 19:10

“ ‘Idomi ghopa na jateula gaju grep te au kmana grege majaghani ra eghu, naugna mare ne joꞌu ka geri khoꞌu. Naꞌa famane kotu fara, eghuteuna au kmana fuꞌagna naugna ne kotu ka vido te au kmana khoꞌu.

Profet Jeremaea 51:13

Ghotilo naiknomi Babilonia te au ka vido te kmana khoꞌu nei dedei fara teu ra. Nu nomi narane ghotilo te mala au papara na la namo meihi.

Ululahu Samuel 9:4

Aonu mae Sol ne hata balugna kaisei mae ne tei ka thogele ka nohi Efrem mala hirodi dongki te snivi ra ka vido te gnafa falithuini Salisa, nu phiamare jaola ne theome tangomana te kadire ka vido te gnafa igre. Ke leghu, phiamare ne tei ka nohi Salim, nu phiamare ne theome kadi ka nohi Salim. Aonu phiamare ne tei ke lamnagna nohigna Benjamin, nu dongki igre jaola ne dofidi ka nohi igne.

Jenesis 33:18

Ke leghugna igne mae Jekop jifla Mesopotemia neke pulo ka kantri Kenan ka namono Sekem, ne hohoro nogna suga tapuale rhegna namono na.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Thakle 14:2

Eghuteuna iara ne nomhini kaisei naogla gna kligna. U naogla igne jateula te oa'ongha galo ka thongna ba poha fila ka maloa eghu. Naogla te nomhini iara igne jateula naikno kmana te lalahu ka gitara eghu.

Thakle 1:15

Phei ghahegnare jaola sigla jateula bras te ngire ka khaꞌaghi eghu siasigla fara, eghuteuna naoglagna na oa'ongha jateula galo biꞌo ka thongna eghu.

Jone 3:22

Ke leghugna igne, mae Jisas ne tei baludi nogna mae fanomhore ne au ka nohi Judia. Mae Jisas ne au jare keha narane baludi nogna mae fanomhore ne faꞌapublahidi naiknore.

Jone 3:24

Ka narane igne mae Jone Apublahi theome au ngau ka suga sosolo.