Jone 3:21 - Buka Blahi Ka Cheke Holo

²¹ Nu mae ihei te edi glepo te tutuanire mana ginauna mei kau naphae na. Aonu u naphae na ginauna falalase fakeli ka naiknore unha glepo teke edi God ka mana re.”

Jone 3:21 ပူးပေါင်းရင်းမြစ်များ

Ululahu Jone 1:6

Eghume te chekeni tahati, “Tahati gne kheragna God, nu au fabrahu meu ngala ka gromno teuna”, tahati chaghi kolho. Eghuteuna tahati theome leghuni u nabrou te tutuani na.

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Nodi Khoje Hatimare Mae Jiu 119:105

Nou cheke iagho tuare jateula juta eghu mala batu ghau iara tei ka nabrou te doglo, ba jateula naphae te batu fakeli ghau iara ka nabrou te keli ra eghu.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Galesia 6:8

Mae ihei te joꞌu ranghini thegna puhi te diꞌa na, puhi glehe nate jifla mei ka tuana ginauna. Nu mae ihei te joꞌu puhi te keli, te keli tagna mae Tharunga te Blahi na, u karha fei tifa na ginauna jifla mei ka unha teke joꞌu mana tuana.

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Jone 5:39

Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Profet Hosia 14:8

Ghotilo Israel, thosei tei tarai ka mumuju. Eigna kate tarai ghotilo ka iara na, iara na fanomho ka ghotilo, eghuteuna iara ginauna na reireghi ghami ghotilo. Iara gognarona jateula kaisei gaju te theome gnhagha khaklagna ra eghu. Thua nafnotu te keli te au ka ghotilo igre, iara ngala teke tusu ari ka ghotilo na.”

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.

Thakle 3:15

Iara lase ghamihi ghotilo te theome brana nei jaola theome jemnu ka nomi namha ranghi ghau. Jame te thofno brana ba te thofno jemnu ghotilo na, tuana te keli ka iara na.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Jone 3:20

Iheire te edi glepo te diꞌare theome magnahagheni u naphae tuana. Mare na theome mei kate phae na naugna ginauna kafe thakle gnafa unha glepo te diꞌa teke edi mare re.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.