Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jone 3:17 - Buka Blahi Ka Cheke Holo

17 Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.

အခန်းကိုကြည့်ပါ။ ကော်ပီ




Jone 3:17
36 ပူးပေါင်းရင်းမြစ်များ  

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.


Iara mae teke mei funu ka God na mei mala hirodi naikno teke snivi ra mala ke fakarhidi.”


Mae Kmagu iara mae ihei teke kuru mei ghau iara na, mana neke tusu mei u karha na. Eghuteuna u karha tuana au ka iara naugna mae Mama neke tusu mei ka iara. Jateula tuana eghu mae ihei te ghamu ghau iara na, mana na athini u karha tutuani na ka iara.


Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”


Mana ne cheke eghu ka mare, “U gloku te magnahagheni God te mala eni ghotilo na igne, fatutuani ghau iara, mae ihei teke kuru mei mana gne.”


Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”


Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.


Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.


Iara lase nigho te nomhini koba nogu tharai iara na. Nu iara chekedi glepo igre ka iagho eidi naikno te kegra faligoho ghau teu iara igre. Iara magnahaghedi mare te fatutuani nigho iagho mae teke kuru mei ghau iara na.”


Nu iara laseni mana, naugna iara mei funu ka mana, eghuteuna mana neke kuru mei ghau iara!”


“Na eghunu ginauna mei cheke fapari ghami iara ke ulugna mae Mama na ghotilo gaoghathomire. Theo! Mae Moses mae ihei na falalase ranghi ghami u nabrou te tutuani na teu ghotilo igne nate cheke fapari ghami ghotilo na.


Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.


Mae Jisas ne cheke eghu ka mare, “Jame thugna God tutuani ghotilo na, ghotilo jame namha ghau iara naugna iara neke mei funu ka God, eghuteuna te gognarona iara au agne. Aonu, iara theome mei kau nogu nolaghi thegu, nu iara mei ka nogna nolaghi God mae teke kuru mei ghau na.


Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.


U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.


Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.


“Nu glepo te edi iara igre, ke biꞌodi teke chekedi mae Jone rei, naugna u kofubobhoi te edi iara igre neke edi kau nogna nolaghi mae Mama neke famei ka iara. Eghuteuna u kofubobhoi te edi iara igre u fagaglana gna mae Mama teke kuru mei ghau iara na.


Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.


Eghuteuna chekegna mana re theome au ka nagnafami ghotilo re, naugna ghotilo ne theome fatutuani ghau iara mae teke kuru mei mae Mama gne.


“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.


Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.


Ke leghugna igne mare jifla ne tei ka keha namono na.


Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.


Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.


Naꞌa ne cheke eghu ka mana, “Funei, theo kaisei ka reꞌe.” Mae Jisas ne cheke eghu ka naꞌa, “Iara theome tangomana la te fate nigho na. Jifla tei sagho nu thosei ke eni kaisei najafra eghu!”


Iara kuru fajifladi mala tei mare kau naiknogna nauthoglu igne, jateula ngau iagho teke kuru mei ghau iara kau nauthoglu igne.


Iara au baludi mare, eghuteuna iagho au balugu iara. Eghume mare ginauna thofno mala kaisei ngala. Aonu nauthoglu igne ginauna lase nigho iagho teke kuru mei ghau iara na. Jaola, nauthoglu igne ginauna lase nigho iagho te namhadi naikno igre jateula iagho te namha ghau iara.


“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.


Naugna iara mae teke mei funu ka God gne neke mei kau nauthoglu igne mala fakarhidi naikno te snivi te theo tadi thofno nakarha na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ