Jone 3:14 - Buka Blahi Ka Cheke Holo

¹⁴ Mae Moses neke lilisei haghe ka gaju na u thotoghale gna mogo na ka namono nagou na tifa. Eghume mare ginauna jateula tuana eghu na tupijuru ghau iara mae teke mei funu ka God na kau gaju fafatha.

Jone 3:14 ပူးပေါင်းရင်းမြစ်များ

Jone 8:28

Mae Jisas ne cheke eghu ka mare, “Gognaro ghotilo na theome lasedi nogu cheke iara gre ghilei nhaꞌa haghe ghau iara ghotilo mae teke mei funu ka God gne kau gaju fafatha na. Kau narane tuana ame laseni nga ghotilo te theome eni iara kaisei glepo leghuni nogu gaoghatho thegu na. Nu unha mae Kmada teke farirhiu ghau iara re ngala te farirhiudi iara ka ghotilo re.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Matiu 26:54

Nu iara theome eni igne, naugna iara mala horoghoto ka unha te chekeni ka grioriso te blahi ia.”

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Luku 24:20

Nu hatimare mae pris ulu, nei mae biꞌomi eghu ghehati re ne snakre laoni mana ka khamedi mae biꞌodi Rom. Mare ne fate faleheni, nei tupijuruni eghu mana kau gaju fafatha.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Jone 18:32

Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.