Jone 21:23 - Buka Blahi Ka Cheke Holo

²³ Eghuteuna, u thoutonu na theome lehe mae fanomho igne teuna, ne tei tongana ka mae fanomhore. Nu mae Jisas theome chekeni te mana na theome lehe teuna. Theo, te chekeni mae Jisas na, “Jame iara magnahagheni mana te karha teu teke pulo mei iara na, tuana theome glepo ulu ka iagho.”

Jone 21:23 ပူးပေါင်းရင်းမြစ်များ

Thoutonu Eigna Mae Job 33:13

Ba, iagho cheke faparini God, naugna mana ne theome cheke tughuni nou khuru cheke na?

Diutronomi 29:29

“Lord noda God tahati na au keha nogna gaoghatho poru te theome tangomana kaisei naikno te laseni. Nu mana cheke ranghi ghitahi ka nogna vetula na, nei ka iheire nate karha mei ke leghuda, eghume tahati mala leghudi fabrahu nogna cheke te gnafa mana re.”

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Mae Khuru 28:14

Eghuteuna ka namono igne ghehati ne filodi keha naikno khiloau, eghuteuna mare ne tore ghami ghehati mala au baludi kaisei wik. Leghu lahu na, ghehati leghu nabrou ne tei thoke ka namono biꞌo Rom.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Ululahu Korin 11:26

Tutuani, leuleghu fata kate ima bret na nei koꞌu ka hinao igne teuna, ghotilo falalase eigna glehegna Lord ghilei ke pulo mei mana.

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Thakle 2:25

Uve, te chekeni iara ka ghotilo na, loku famaku ka puhi te keli te au ka ghotilo are ghilei thokeni narane nate ke pulo mei iara na.’