Jone 21:12 - Buka Blahi Ka Cheke Holo

¹² Mae Jisas ne cheke eghu ka mare, “Mei ghotilo mala ghamu gheda.” Eghuteuna, theo kaisei mae ka mae fanomhore tangomana te ghusna eghu ka mana na, “Mae ihei sagho ia?” naugna mare la kafe glanihi mana.

Jone 21:12 ပူးပေါင်းရင်းမြစ်များ

Mae Khuru 10:41

Mana neke theome fatakleni thegna ka naikno te gnafare. Nu mana neke thakle ka iheire kolho teke kulu vavahi God te mala kulu filoni mana re. Eghuteuna kate karha fapulohi mana na, ghehati neke ima nei koꞌu eghu balugna mana.

Jone 16:19

Mae Jisas lasenihi te magnahaghei ghusnani mae fanomhore eigna igne. Eghuteuna mana ne cheke eghu ka mare, “Tore! ‘Katha vido ikoi ghotilo ginauna theome filo ghau iara. Katha vido ikoi ghotilo ginauna nake filo ghau iara’ teu iara igne ngala site romi ghusna ghotilo ka iara gnea?

Jone 21:15

Ke leghugna te gnafa ghamu mare na, mae Jisas ne cheke eghu ka mae Simon Pita, “Simon, thugna Jone, iagho thofno namha ghau iara ngau ke uludi keha mae igrei sia?” Mae Pita ne cheke eghu ka mana, “Uve Lord, iagho lase ghauhi iara te namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sua sipu teu igre.”

Nonomho Te Keli Teke Risoi Mae Mak 9:32

Neubane cheke eghu ngau mana ranghidi, mare theome lasedi ngala gaoghathodi unha te chekedi mana igre. Eghuteuna mare ne mhaghu ne theome ghusnani mana.

Jone 4:27

Ka vido tuana, nogna mae fanomho mae Jisas re neke pulo mei teke tei foli gano ka namono na. Mare ne jaglo nodi fara naugna mare ne filoni mae Jisas te toutonu teu balugna gaꞌase gna Samaria na. Nu theo kaisei mae ka hatimare te cheke eghu ka naꞌa na, “Magnahaghei unha sagho ia?” Ba, te cheke eghu ka mana, “Naugna unha site toutonu iagho balugna gaꞌase tuana ia?”

Luku 9:45

Nu mae fanomhore theome laseni cheke mana igne. Gaoghathogna igne thono poru fara ka mare, mala theome tangomana mare te laseni na. Nu mare mhaghu ne theome ghusna ka mana.

Matiu 22:46

Theo kaisei mae ka hatimare mae Farasi gre te tangomana te cheke tughuni nogna gusna mae Jisas na. Aonu ke leghugna narane tuana theo kaisei mae frane te ghusnani mae Jisas.

Jone 21:11

Mae Simon Pita neke pulo ne haghe ka mola na ne toghodi keha mae fanomhore neke korho famata fangna te fodu ka sasa biꞌo na. Kaisei gobi glimafulu thiloi khaputudire. Neuba ngau ne kmana fara sasa, fangna na ne theome tangomana te breku na.