Jone 20:31 - Buka Blahi Ka Cheke Holo

³¹ Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jone 20:31 ပူးပေါင်းရင်းမြစ်များ

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Jone 3:18

Tutuani fara, mae ihei te fatutuani ni mae Thugna God na, God na theome fate faleheni mana. Nu mae ihei te theome fatutuani na, God la kulu fate falehenihi mana naugna mana ne theome fatutuani ni mae thofno Thugna God kaisei ngala.

Fapea Jone 1:9

Mae ihei lalase te tei sala'uni nogna farirhiu mae Kraes na, God na theome au ka mana. Nu mae ihei te leghuni fabrahu nogna farirhiu mae Kraes na, mae Mama ghe mae Thugna ginauna na kafe au balugna mana.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Jone 19:35

Iara, mae teke kegra tekeu jare na, iara filodi glepo igre ne fatutuani ne toutonudi. Unha te chekedi iara igre thofno tutuani fara, theome chaghi. Eghuteuna iara toutonudi glepo igre mala fatutuani ni ghotilo mae Jisas Kraes.

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 10:10

Mae nablau na mei kolho mala blau nei falelehe nei mala lalamadi eghu kolho naiknore. Nu iara gne mei mala tufa ka mare u thofno karha te theo ka huigna na. U nafnata karha te fodu kau glepo te keli.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Luku 1:4

mala lasedi iagho glepo teke farirhiu nigho mare igre thofno tutuani fara.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Nonomho Te Keli Teke Risoi Mae Mak 16:16

Ihei te fatutuani ni Nonomho te Keli na, eghuteuna apublahi teuna ginauna na hatini karha fei tifa na. Nu ihei te theome fatutuani na, God ginauna na fate faleheni mana.

Matiu 27:54

Ka vido tuana kaisei mae biꞌodi hatimare mae armi nei keha mae soldia teke reireghini mae Jisas igre ne mhaghu nodi fara ka nakheu igne, nei gobigna lepo te edi ka narane tuana. Mare ne cheke eghu, “Tutuani fara, mae igne thofno Thugna God!”

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Mae Khuru 3:16

Ka nogna nolaghi mae Jisas na ghepa neke fakelini mae teke lehe ghahegna te kafe filoni nei laseni teu ghotilo igne. Uve, tutuani fara, ghepa fatutuani ni mae Jisas, eghuteuna ka nanghagna mae Jisas ghepa fakelini mae igne. Eghuteuna ghotilo kafe filoni te eni igne!

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.

Ululahu Pita 1:9

Naugna ghotilo fatutuani ni mana nei hata thofno nakarha te theo ka huigna, jateula te rouronuni ghotilo nate thoke mei ginau.

Matiu 4:3

Satan mei ne cheke eghu ka mana, “Ghema, te Thugna God iagho na, iagho chekedi thina igre mala tughu ke vuhai bret.”

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Mae Khuru 8:37

Mae Filip ne cheke eghu ka mana, “Jame te fatutuani iagho ka nagnafamu fateote'o na, iagho tangomana.” Mae biꞌo na ne cheke eghu, “Iara fatutuani Jisas na thofno Thugna God!”