Jone 20:28 - Buka Blahi Ka Cheke Holo

²⁸ Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 20:28 ပူးပေါင်းရင်းမြစ်များ

Jone 1:1

Tifa na, mae te kiloi “Chekegna God” gne neke kulu auhi. Mana neke kulu auhi balugna God, nei mana kaisei ngala balugna God.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Matiu 14:33

Aonu mae fanomhore pogho soru ka mae Jisas ne cheke eghu, “Tutuani fara, iagho thofno Thugna God!”

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Luku 24:52

Hatimare ne turupuku soru ranghini mana. Eghuteuna mare neke pulo Jerusalem balu gleale'a biꞌo fara.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Jone 20:16

Mae Jisas ne cheke eghu ka naꞌa, “Meri.” Meri figri ne filo glanini mae Jisas ne cheke eghu, “Raboni!” Gaoghathogna ka cheke Hibru na “Velepuhi”.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Jone 20:29

Mae Jisas neke cheke eghu ka mana, “Tomas, iagho fatutuani naugna iagho ne filo ghau iara. Iheire te theome filo ghau iara nu fatutuani teure thofno keli tadi fara.”