Jone 20:26 - Buka Blahi Ka Cheke Holo

²⁶ Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 20:26 ပူးပေါင်းရင်းမြစ်များ

Jone 20:19

Kau grafi Sade, mae fanomhore kafe au neu ka suga na. Mare ne kafe bibilakhi famaku grengathare, naugna mare ne mhaghudi mae biꞌodi hatimare mae Jiu. Eghuteuna, kau vido tuana mae Jisas mei ne kegra farihoteidi mare. Mana ne cheke eghu ka mare, “Pharikeli na au ka ghotilo!”

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Luku 9:28

Nabagna kaisei wik ke leghugna teke chekedi mana glepo igre, mae Jisas ne hata balugna mae Pita, nei mae Jemes nei mae Jone ne haghe ka thogele na mala tarai.

Matiu 17:1

Ka fafamno narane ke leghugna igne, mae Jisas hata mae Pita nei phei mae thabusigna, mae Jemes ghe mae Jone, ne haghe ka kaisei thogele brahu ne au thedi jare.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.

Profet Isaia 27:5

Eghuteuna jame te magnahaghei ghau iara nodi naoka nogu naikno iara igre te mala reireghidi na, te keli na mare mei mala fadoglini balugu iara mala au ghehati kau pharikeli.”

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Luku 24:36

Kate toutonuni phiamare igne, mae Jisas ne megei nga ne kegra neu fari hoteidi mare ne cheke eghu, “Pharikeli na au ka ghotilo.”

Jone 11:16

Aonu, mae Tomas, mae te kiloi mae Didimus ne cheke eghu ka mae fanomhore, “Tore, tahati na kafe tei balugna mae funei gne mala lehe balugna mana!”

Jone 21:1

Kaisei fata ke leghugna igne, mae Jisas neke fatakleni thegna ka nogna mae fanomhore ka grathagna Kholo Galili. Igne neke eghu.

Jone 21:14

Funu ka narane ke leghugna teke kegra fapulo mana kau glehe na, igne fatilo fata mae Jisas te thakle ka nogna mae fanomhore.

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.