Jone 20:25 - Buka Blahi Ka Cheke Holo

²⁵ Kate mei mae Tomas na, keha mae fanomho teke filoni mae Jisas re ne cheke eghu ka mana, “Ghehati la filonihi mae Lord na!” Mae Tomas ne cheke eghu ka mare, “Jame la filodi iara thegu glafidi nila ka khamegnare nei habo lao khamegure ka glafi, nei habo lao khamegure ka gagarogna mana re lau ame fatutuani nga iara teke la karha fapulo mana na eghu.”

Jone 20:25 ပူးပေါင်းရင်းမြစ်များ

Jone 6:30

Aonu, naiknore neke cheke eghu ka mana, “Edi sagho keha kofubobhoi mala fatutuani nigho ghehati. Unha glepo nate eni iagho na?

Nonomho Te Keli Teke Risoi Mae Mak 16:11

Kate nomhini mare cheke naꞌa ne filoni mae Jisas na kela karha fapulohi teu igne, mare ne theome fatutuani ni kolho naꞌa.

Hibru 3:18

Ka iheire si teke nhaꞌa cheke mana tadi mala theome gnafa balugna teku igrea? Mana neke cheke ka naikno te theome leghudi nogna chekere.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Jone 21:7

Eghuteuna, mae fanomho te namhani fara mae Jisas na filo glanini mae Jisas ne cheke eghu ka mae Pita, “Noda Lord ia signe!” Kate nomhini mae Pita te cheke mana igne, mana atha pohe na neke pipichi. Naugna mana neke hata koko pohe na mala loku neku. Uve, mana krofu soru lamna kholo ne longa ka mae Jisas.

Jone 1:41

Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.”

Luku 24:25

Ke leghugna igne mae Jisas ne cheke eghu ka phiamare, “Tore, ghopa gne ihou kolho signe. Ghopa gne theome faghose fatutuanidi kolho gobigna lepo teke chekedi hatimare mae profet ra!

Matiu 27:42

ne cheke eghu, “Tore! Mana fakarhidi keha naiknore, nu theome tangomana te fakarhini thegna na! Eghume mana noda king tahati mae Israel. Te king tutuani mana na, lisani mala soru mei ka gaju fafatha na gognarola, eghuteuna tahati ginauna laseni te mae Kraes tutuani mana na.

Nodi Khoje Hatimare Mae Jiu 78:32

Neuba God ne edi kofubobhoi igre ka mare, mare heta ghedi fara ngala ka puhi nakhibo na nei te theome rouronu ka mana na eghu.

Thoutonu Eigna Mae Job 9:16

Eghuteuna neuba iara ne kiloni mana mala mei ka fate neu mana ginau mei, te ghathoni iara na mana ginauna na theome fanomho ka iara.

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Nonomho Te Keli Teke Risoi Mae Mak 16:13

Phiamare figri neke toutonu ka keha mae fanomhore. Eghuteuna mae fanomhore jaola ne theome fatutuanidi kolho nodi cheke phiamare re.

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”