Jone 20:23 - Buka Blahi Ka Cheke Holo

²³ Te atha koko ghotilo nakhibogna kaisei naikno na, God ginauna atha koko hui nakhibogna mana re. Nu te theome atha koko ghotilo nakhibogna naikno tuana, God ginauna theome atha koko la nakhibogna mana re.”

Jone 20:23 ပူးပေါင်းရင်းမြစ်များ

Matiu 18:18

“Tutuani fara, te chekeni iara ka ghotilo na, unha te theome snakreni ghotilo kau nauthoglu igne na, God ginauna theome snakre nila kligna na. Nu unha te snakreni ghotilo kau nauthoglu igne na, God ginauna snakre nila kligna na.

Matiu 16:19

Iara ginauna na tusu ari ka iagho nolaghi mala jateula ki gna eghu grengathagna nogna nauthoglu majaghani God na. Eghume unha nate theome snakreni iagho ka nauthoglu igne, God ginauna theome snakreni la kligna. Eghuteuna unha nate snakreni iagho ka nauthoglu igne, God ginauna snakreni la kligna na.”

Ululahu Timoti 1:20

Mae Haemenias ghe mae Aleksada gre eni igne la teihi baludi mare. Iara lisa laodihi phei mae igre ka mae Satan mala laseni phiamare gaoghathogna te thosei cheke faparini God teuna.

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Ululahu Korin 5:4

Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Jone 20:22

Gnafa teuna, mana ne phanga lao ke klignadi mare ne cheke eghu, “Gognarona ghotilo atha Tharunga te Blahi gne.