Jone 20:19 - Buka Blahi Ka Cheke Holo

¹⁹ Kau grafi Sade, mae fanomhore kafe au neu ka suga na. Mare ne kafe bibilakhi famaku grengathare, naugna mare ne mhaghudi mae biꞌodi hatimare mae Jiu. Eghuteuna, kau vido tuana mae Jisas mei ne kegra farihoteidi mare. Mana ne cheke eghu ka mare, “Pharikeli na au ka ghotilo!”

Jone 20:19 ပူးပေါင်းရင်းမြစ်များ

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Efesus 2:14

Ka Kraes tahati gognaro na au ka pharikeli. Naugna kate snakreni thegna te mala lehe na, mae Kraes neke hata koko puhi naoka te fafnotadi fabrahu teu mae Jiu nei mae te theome mae Jiu. Mana neke salo fodudi mare mala kaisei naikno kolho.

Fapea Tesalonika 3:16

Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Jone 7:13

Nu theo kaisei naikno ka mare te frane te cheke thakleni mana na, naugna mare thono mhaghudi fara goro mae biꞌodi mae Jiu.

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Ululahu Korin 15:5

Mana neke fatakleni thegna ka mae Pita, ke leghu na ka hatimare nabotho phei mae fanomhore.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Hibru 7:2

Aonu ka narane tuana mae Ebraham ne fofota gobigna lepo teke hata ka magra re, mana ne tufa ka mae Melkisedek fabothodi glepo tuare. Eghuteuna gaoghathogna u nangha Melkisedek teu igne. Ulu lahu na, “Mae king gna puhi te doglo.” Fapea na, “Mae king gna pharikeli.” Naugna nanghagna namono mana na kiloi “Salem”, ba “Pharikeli”.

Filipae 1:2

Ghepa toreni nogna khokofakasai nei pharikeli God Kmada nei nogna mae Jisas Kraes noda Lord mala au balumi.

Efesus 6:23

Iara toreni God Kmada nei Jisas Kraes noda Lord, eigna phiamare ginauna tusu ranghi ghita pharikeli nei namha balu fatutuani ka kherada naikno khiloau fateote'o.

Letas Teke Riso Tei Mae Pol Ka Khiloau Rom 15:33

Iara toreni God mae ihei te tusu ranghi ghita pharikeli mala au balumi ghotilo gnafa. Amen.

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Matiu 18:20

Igne tutuani fara, naugna jame phei ba thiloi naikno te salo fodu mei naugna mare te nogu mae gloku iara na, iara na au jare baludi mare.”

Matiu 10:13

Jame te taji ghami naiknogna suga tuana, toreni nogna fablahi God na ranghidi eghu. Nu, jame te theo na, hata fapulo nomi fablahi na eghu.

Nodi Khoje Hatimare Mae Jiu 122:8

Jerusalem, iara ghathodi fara kheragu nei vikegu teu te au ka iagho ra, iagho toghodi mala au mare ka pharikeli.

Jone 21:1

Kaisei fata ke leghugna igne, mae Jisas neke fatakleni thegna ka nogna mae fanomhore ka grathagna Kholo Galili. Igne neke eghu.

Jone 21:14

Funu ka narane ke leghugna teke kegra fapulo mana kau glehe na, igne fatilo fata mae Jisas te thakle ka nogna mae fanomhore.

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.

Fatilo Jone 1:14

Iara ghaoghatho mala ari filo nigho thogheiro eghuteuna tahati ginauna na loku fodu mala chekedi glepo igre.