Jone 20:17 - Buka Blahi Ka Cheke Holo

¹⁷ Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Jone 20:17 ပူးပေါင်းရင်းမြစ်များ

Jone 16:28

Uve, iara neke mei funu ka mae Mama kau nauthoglu igne. Eghuteuna gognarona iara nake jifla kokoni nauthoglu igne mala ke pulo ka mae Mama.”

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Fapea Korin 6:18

“Eghuteuna iara ginauna jateula Kmami eghu ghotilo, eghuteuna ghotilo ginauna jateula thugu nalhaꞌu nei gaꞌase eghu iara. Iara God mae ihei te au nolaghi te gnafa te chekeni igne.”

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Jone 17:25

“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.

Matiu 28:7

Ghose tei cheke eghu ka nogna mae fanomho mana ra, ‘Mae Jisas na kela karha fapulohi. Mana gognaro kulu tei Galili mala ofo ghami ghotilo. Ghotilo ginauna filoni mana jare.’ Igne nogu cheke iara ka ghopa na.”

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Thakle 21:7

Tutuani, iheire te leghu ghau fabrahu te ghilei lehe na, iara ginauna tusu ranghini karha te theo ka gnafagna. Eghume iara ginauna nogna God mana, eghuteuna mana thugu iara.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Jone 14:28

“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Jone 14:2

Jare na kmana chogho te mala au ghotilo ka sugagna mae Mama na. Jame theome tutuani na, iara jame theome chekeni igne ka ghotilo. Iara na kulu tei jare mala tarabana choghomi ghotilo.

Jone 13:3

Eghuteuna, mae Jisas kulu lasenihi mae Kmagna na neke tusu ranghini nolaghi te mala funei frunidi gobigna lepore, nu mana laseni la mana neke mei funugna ka God nei nake pulo la ka God.

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 7:33

Mae Jisas ne cheke eghu, “Iara ginauna au balumi ghotilo katha vido kmoꞌei kolho. Aonu iara ginau nake pulo ka mae ihei teke kuru mei ghau na.

Luku 10:4

Eghuteuna ghotilo thosei hata sileni ba gloi ba fapea sadol balumi. Thosei kegra snoto mala toutonu balugna ihei te ludeni ghotilo ka nabrou na.

Profet Esikiel 37:27

Iara ginauna au fabrahu baludi mare ka namono igne tifa tifa. Uve, iara ginauna nodi God mare, eghuteuna mare nogu naikno iara.

Profet Esikiel 36:28

Eghuteuna ghotilo ginauna tangomana te au fakeli Israel ka namono teke tusu lao iara ka kuꞌemi ghotilo tifara. Ghotilo ginauna nogu naikno iara, eghuteuna iara nomi God ghotilo.

Profet Jeremaea 32:38

Ka narane tuana mare mala nogu naikno iara, eghuteuna iara mala nodi God mare.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Nodi Khoje Hatimare Mae Jiu 89:26

Mae Devet ginau cheke eghu ka iara, ‘Iagho nogu God iara, nei iagho kmagu iara na. Uve, iaghou ngala te mala saghe leghu ghau nei fakarhi ghau teu iara na.’

Fapea Kings 7:9

Aonu mare ne cheke eghu fari thedi, “Tahati gne la eni unha te theome doglo na! Tahati hata nonomho te keli na gognarogne, nu tahati tathaji malada theda kolho. Jame ofo meu me ghilei hamerane tahati meuna, mare ginauna para ghita tahati. Tahati na tei gognarogne mala cheke ka nogna mae biꞌo mae king ra.”

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Nodi Khoje Hatimare Mae Jiu 22:22

Gognaro na iara ginauna toutonu ka mae kheragure eidi glepo teke edi iagho ra. Iara ginauna na cheke fakeli nigho ke uludi mare.

Fapea Kings 4:29

Mae Elisa nomhini cheke igne, ne cheke eghu ka mae Gehasi, “Iagho tarabana mala tei. Hata nogu khodo iara na, eghuteuna faghose tei Sunem. Jame te thafoni iagho kaisei mae ka nabrou na, iagho thosei kegra snoto mala hamerane keli eghu ka mana. Iagho doglo tei ka sugagna naikno biꞌo ia, eghuteuna iagho hata nogu khodo iara gne lisei lao ke klignadi tathagna nei foflogna teu mae sitei na.”

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Nonomho Te Keli Teke Risoi Mae Mak 12:26

Tutuani fara ghotilo la iu'ijunihi unha God teke chekeni eigna naikno te karha fapulo ia. Ka buka teke rioriso mae Moses eigna te gnubra kaisei gaju ikoi na ia, God neke cheke eghu ka mae Moses, ‘Iara nogna God mae Ebraham, nogna God mae Isak nei nogna God mae Jekop.’