Jone 20:16 - Buka Blahi Ka Cheke Holo

¹⁶ Mae Jisas ne cheke eghu ka naꞌa, “Meri.” Meri figri ne filo glanini mae Jisas ne cheke eghu, “Raboni!” Gaoghathogna ka cheke Hibru na “Velepuhi”.

Jone 20:16 ပူးပေါင်းရင်းမြစ်များ

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Mae Khuru 10:3

Kaisei narane naba tanhi thiloi fei grafi, mae Konilias ne thofno filo tathagna kaisei engel nogna God ka mifi na. Engel na ne mei ka suga na ne cheke eghu ka mana, “Ghema Konilias!”

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Jone 6:25

Naiknore ludeni mae Jisas ka keha phile kholo na ne cheke eghu ka mana, “Velepuhi, neke mei niha agne sagho ia?”

Profet Isaia 43:1

Nu Lord mae ihei teke vahi ghami ghotilo naiknomi Israel, mana neke cheke eghu, “Ghotilo thosei mhaghu, naugna iara la hata fapulo ghamihi ghotilo. Eghuteuna iara kilo ghami ghotilo nogu naikno iara.

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 13:13

Ghotilo kilo ghau iara ‘Mae Velepuhi’ nei ‘Lord’. Eghuteuna tuana doglo fara, naugna mae tuana ngala iara gne.

Jone 11:28

Ke leghugna te chekeni igne, Mafa neke pulo ka suga na ne cheke eghu faꞌikoi ka Meri, “Meri, mae velepuhi na la meihi. Mana neke ghusna nigho iagho mala tei ka mana.”

Jone 5:2

Jare Jerusalem au kaisei kholo rhegna grengatha te kiloi mare nogna “Grengatha Sipu”. Kholo tuana mae Jiure kiloni Betsata. Rhegna kholo tuana au glima grorofe brahu.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Luku 10:41

Nu mae Jisas ne cheke eghu ka naꞌa, “Mafa, iagho nangadi nei ghathodi eghu fara glepo te kmana gre.

Matiu 14:27

Mae Jisas ghosei ne cheke eghu mei ka mare, “Thosei nanga nomi! Iara mae Jisas! Thosei mhaghu!”

Famane Khoje 5:2

Kate thuru na, iara mala ghathoni kolho kheragu na. Iara mifini te filoni mana, te kikidi mei ka nogu grengatha iara na. Fanomho mei! Mana eha mei eghu ka iara, “Kheraguo, tora grengatha! Iagho thofno famane fara filomu na, eghuteuna iagho thofno keli. Snakre ghau mala mei lamna. Phaꞌugu iara na bothu ka khoꞌu bongiro, eghuteuna khaklagu re bothuhi tagna.”

Famane Khoje 3:4

Nu theome raugha kate jifla kokoni iara mae greireghi igre, iara ne megeinga ne filoni kheragu na! Uve, iara loku famaku ne theome snakre teini, ne ghilei tathalei ne tei ka sugagna idogu na, ka nogna chogho ihei teke fakarhi ghau iara na.

Ululahu Samuel 3:10

Eghuteuna ke leghugna igne, Lord neke pulo mei neke kegra ka vido igne neke kiloni mana jateula teke ululahu ia neu ne cheke eghu, “Samuel, Samuel.” Eghuteuna mae Samuel ne cheke eghu, “Cheke mei sagho Lord, iara nou mae gloku iagho, iara fanomho kobau ka iagho.”

Ululahu Samuel 3:6

Ke leghugna igne, Lord neke fapea kiloni mae Samuel. Nu mana theome laseni Lord ne kiloni mana teuna, naugna Lord neke theome cheke balugna mana tifa na. Mana kegra haghe ne tei filoni mae Eli ne cheke eghu ka mana, “Iagho kilo ghau iara, tela mei iara ao.” Nu mae Eli ne cheke eghu ka mana, “Mae sitei, iara theome kilo nigho iagho. Ke pulo thuru sagho.”

Eksodas 33:17

Eghuteuna Lord ne cheke eghu ka Moses, “Iara ginauna thofno eni tutuani unha te toreni iagho na, naugna iara thofno lase nigho iagho fara, eghuteuna iara jaola keli tagu fara ka iagho.”

Eksodas 3:4

Lord filoni te mei namo mae Moses, eghuteuna Lord ne kiloni mae Moses fari hoteigna khaꞌaghi igne, ne cheke eghu, “Moses! Moses!” Eghuteuna Moses ne cheke eghu, “Iara au teu ao.”

Jenesis 45:12

Eghuteuna mae Josep ne cheke eghu ka mae thabusigna re. “Gognaro na ghotilo la filo ghauhi iara themi la lase ghauhi eghu iara mae ihei te cheke teu ka ghotilo igne. Iara mae Josep ngala, theome mae ihei nga. Eghuteuna iagho mae Benjamin, iagho thofno mae tahigu iara, iagho jaola la filo ghauhi iara.

Jenesis 22:1

Ke leghugna igne God neke fariuriuni mae Ebraham. Kaisei narane God kiloni mae Ebraham ne cheke eghu ka mana, “Ebraham.” Mae Ebraham ne cheke eghu, “Iara au teu ao Lord.”

Nonomho Te Keli Teke Risoi Mae Mak 10:51

Mae Jisas ne ghusna eghu ka mana, “Unha te magnahagheni iagho te mala eni iara ranghi nigho na?” Mae te dofu na ne cheke eghu ka mana, “Velepuhi, iara magnahaghei teke fifilo fapulo.”