Jone 20:15 - Buka Blahi Ka Cheke Holo

¹⁵ Mae Jisas ne cheke eghu ka naꞌa, “Naikno biꞌo, tanhi unha sagho ia? Mae ihei site harini iagho gnea?” Meri gaoghathogna na ne kaisei mae greireghi nagare eghu. Aonu naꞌa ne cheke eghu ka mana, “Mae biꞌo, neke iagho nga teke atha fadelei thinigna nogu Lord na nu, ke falalase iagho aheva teke tei liliseini mana iagho na eghu, mala ke tei athani mana iara.”

Jone 20:15 ပူးပေါင်းရင်းမြစ်များ

Jone 20:13

Phia engel igre ne cheke eghu ka Meri, “Naikno biꞌo, tanhi unha sagho ia?” Naꞌa ne cheke eghu, “Rehati ne atha fadelei thinigna nogu Lord iara na. Nu iara theome laseni aheva te tei lilisei rehati na.”

Jone 18:7

Mae Jisas neke fapea cheke eghu ka mare, “Mei harini mae ihei si ghotilo ia?” Mare ne cheke eghu ka mana, “Mae Jisas gna Nasaret.”

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Nonomho Te Keli Teke Risoi Mae Mak 16:6

Mae majaghani igne ne cheke eghu ka reꞌe, “Thosei mhaghu. Iara lase ghami ghotilo, ghotilo mei hironi mae Jisas gna Nasaret, mae ihei teke tupijuruni mare kau gaju fafatha ia. Mana theome au agne, mana na kela karha fapulohi. Mei si ghotilo agne mala filoni vido aheva mare teke liliseini mana na.

Matiu 28:5

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia.

Famane Khoje 3:2

Aonu iara kegra haghe ne tei hironi kheragu na heva heva ka nabrou nei ka glalaba gna namono na. Iara hironi kheragu te namhani iara na nu iara theome tangomana te deni.

Ululahu Samuel 1:16

Those ghathoni iagho ne kaisei naikno diꞌa iara teuna. Iara tarai naugna iara gne thofno diꞌa nagnafagu fara.”

Jone 18:4

Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”

Luku 24:5

Rehati mhaghu nodi fara ne pogho soru pari. Phiamare ne cheke eghu ka reꞌe, “Mei hironi mala unha si ghotilo mae tela karhahi ia? Igne vido maladi kolho naikno teke lehera.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Famane Khoje 6:1

Iagho ihei te thofno famane fara salaꞌudi keha gaꞌase te gnafa ra, Chekeni ka ghehati, Aheva ne tei kheramu iagho na? Iagho cheke meini vido aheva te tei mana tagna na, mala tangomana ghehati te togho nigho te mala deni mana na.

Luku 2:44

Aonu mae Josep ghe Meri neke pulo narane thongana tuana, eghuteuna repa gaoghathodi na ne kafe soruhi eghu. Eghume, kate dofini mana na, repa ne funu hironi mana farihoteidi kheradi nei vikedi teu thedire eigna mana.