Jone 2:25 - Buka Blahi Ka Cheke Holo

²⁵ Neubane theo kaisei naikno te cheke fajiflani kaisei glepo ka mana eidi naiknore, mana kulu lasedihi unha te au ka gaoghathodi naiknore.

Jone 2:25 ပူးပေါင်းရင်းမြစ်များ

Jone 13:11

Mae Jisas la kulu lasenihi mae ihei nate snakre laoni mana ka nogna mae naokare. Naugna igne mana ne cheke eghu, “Theome kafe ghotilo te gae na.”

Matiu 9:4

Aonu, mae Jisas ne lasedi nagnafadi mare re ne cheke eghu, “Naugna unha site au mei ka nagnafami ghotilo re nafnata gaoghatho te diꞌa tuana ia?

Jone 6:64

Nu keha naikno ka ghotilo theome fatutuani ghau iara.” Funu ka vuvuhagna na mae Jisas la kulu lasedihi mae iheire te theome fatutuani ni mana re. Eghuteuna mana la lasenihi mae ihei nate majorani mana na.

Jone 6:61

Neubane theome nomhidi ngau, mae Jisas lasenihi te buiburi mare eigna u farirhiu igne. Aonu mana ne cheke eghu ka mare, “Ba, ka farirhiu igne nu la tiromi leghu ghau la iara eghu si ghotilo ia?

Diutronomi 31:21

Aonu kate thoke mei kmana hoholo biꞌo ka mare na, eghuteuna khoje igne ginauna na jateula kaisei nogu witnes eghu iara fakakhana puhidi mare te diꞌa re, naugna mare vikegna Israel theome tangomana te ghatho ihoni khoje igne. Neuba iara ne theome hatadi mare neu ka glose teke nhaꞌa cheke iara ka mare na, nu iara la lasenihi unha nate eni mare ke leghu na.”

Profet Isaia 11:3

King igne ginauna kelitagna fara te ghatho tahuni Lord. Mana theome khogla mala fateni naikno na ka unha te nomhini nei filoni teure,

Jone 1:42

Mae Aduru hatani mae Pita ne tei ka mae Jisas. Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”