Jone 19:42 - Buka Blahi Ka Cheke Holo

⁴² Phia mare ne lilisei thinigna mae Jisas na jare, naugna gluma tuana theome thei gaꞌu. Eghuteuna, narane tuana nodi narane mala tarabana mae Jiu eigna narane Sabat.

Jone 19:42 ပူးပေါင်းရင်းမြစ်များ

Jone 19:31

Narane igne narane mala tarabana eigna Sabat. Mae Jiure theome magnahaghei te gefe teu thinidi mae te lehere ka gaju fafatha na te ghilei thoke ka narane Sabat. Eigna narane Sabat igne kaisei narane blahi fara tulao. Naugna igne, mae biꞌodi mae Jiure ne tore ka mae Paelat mala tei mare lolhopa ghahedi thilo mae igre, mala lehe thilo mare mala hata tei giugilui.

Jone 19:14

Ka vido tuana la namo naublathahi, eghuteuna nodi narane te mala tarabana eigna nodi Gaghamu Ghasa-polho mae Jiu gre. Mae Paelat ne cheke eghu ka mare, “Filo si ghotilo, igne nomi mae king ghotilo na.”

Jone 19:41

Ka vido aheva te tupijuruni mare mae Jisas na jare au kaisei nagare sisi. Ka nagare tuana au kaisei gluma majaghani te theome giugilui nga teu kaisei naikno tagna.

Profet Isaia 53:9

Neuba mana ne theome eni kaisei najafra biꞌo, ba chekeni kaisei cheke te chaichaghi, nu mare faleheni mana baludi mae te diꞌare, eghuteuna giugilui baludi mae iheire te dedei.”

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Ululahu Korin 15:4

Eghuteuna mare neke giugiluni mana, eghuteuna God neke fakarha fapuloni mana ka fatilo narane na, jateula te chekeni teu ka grioriso te blahi ia.

Mae Khuru 13:29

Mare neke edi ranghini mae Jisas gobigna lepo teke chekedi hatimare mae profet kau grioriso te blahi ia. Ke leghugna te faleheni mare na, mare neke hata soruni mana kau gaju fafatha na neke giugiluni kau gluma na.

Jone 19:20

Kmana mae Jiu te liu jare na, mare filoni fagaglana tuana. Naugna aheva te tupijuruni mae Jisas na namo fara Jerusalem. Thilo nafnata cheke te rioriso soru mae Paelat na, ka nodi cheke mae Jiu, ka nodi cheke mae Rom, nei ka nodi cheke mae Griki.

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Nodi Khoje Hatimare Mae Jiu 22:15

Foflogu na la mojani fara la vuhai nakrofu, eghuteuna glapigu na la lutihi ka doadohagu na. Iagho la lisa lao ghauhi iara ka glehe mala vuhai nakrofu kolho.