Jone 19:30 - Buka Blahi Ka Cheke Holo

³⁰ Mae Jisas ne gnaignami waen te raha tuana ne cheke eghu, “La gnafahi!” Mana pogho soru pha'u na ne lehe.

Jone 19:30 ပူးပေါင်းရင်းမြစ်များ

Jone 17:4

Iara na fatakleni nou nolaghi biꞌo iagho na ka naiknogna nauthoglu igne. Eghuteuna iara la loku fahuidihi gobigna lepo mala edi iara teku iagho ra.

Filipae 2:8

Mana nhaꞌa faparini thegna neke leghuni gaoghathogna God na neke lehe ke kligna gaju fafatha jateula kaisei mae teke blau neku.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Letas Teke Riso Tei Mae Pol Ka Khiloau Rom 10:4

Nu Kraes la mei fagnagnafa u nogna vetula God na jateula kaisei nabrou te mala thokeni u thofno nakarha na. Eghuteuna iheire fateo te fatutuani ni mae Jisas, God ginauna toghodi mala naikno doglo.

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Nonomho Te Keli Teke Risoi Mae Mak 15:37

Mae Jisas ne tanhi fabiꞌo ne lehe.

Jone 10:18

Theo kaisei naikno tangomana te falehe ghau iara ka nogna nheta thegna. Naugna iara ngala te au nolaghi te mala snakre ghau thegu te mala lehe nei ke karha fapulo teuna. Tuana ngala unha mae Mama teke chekeni mala eni iara teku na.”

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Matiu 27:50

Ka vido tuana, mae Jisas neke eha fabiꞌo, ne lehe.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Nodi Khoje Hatimare Mae Jiu 22:15

Foflogu na la mojani fara la vuhai nakrofu, eghuteuna glapigu na la lutihi ka doadohagu na. Iagho la lisa lao ghauhi iara ka glehe mala vuhai nakrofu kolho.

Hibru 9:22

Tuani fara, te mala leghuni vetula na, teke fuafusa mare dadara na thogra glepo te gnafare te mala gae ke ulugna God. Te theome thofa dadara na, God ginauna theome atha fadelei nakhibodi naiknore.

Letas Teke Riso Tei Mae Pol Ka Khiloau Rom 3:25

God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Ululahu Korin 5:7

Gognaro na ghotilo hata fadeleidi nakhibo te gnafare mala doglo ke ulugna God. Naugna nakhibo na tangomana te roꞌeni nakarhada na jateula isi te tangomana fabiꞌodi bret. Ghotilo jateula bret te theo isi ia eghu, naugna God neke fafaranihi Kraes te mala hata fadeleidi nakhibodare.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Profet Daniel 9:26

Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Luku 22:37

Eghuteuna te chekeni iara ka ghotilo na, grioriso te blahi na cheke eghu, ‘Mana na snakreni thegna mala lehe baludi mae te glalama fara re’. Cheke igne na tutuani fara ka iara nei unha teke risoni mae profet eigu iara tifa ia la horoghoto fara gognaro gne.”