Jone 19:19 - Buka Blahi Ka Cheke Holo

¹⁹ Mae Paelat ne risoi kaisei fagaglana ne nhaꞌa haghe ke kligna gna mae Jisas ka gaju fafatha na cheke igre: “MAE JISAS GNA NASARET, NODI KING HATIMARE MAE JIU.”

Jone 19:19 ပူးပေါင်းရင်းမြစ်များ

Matiu 27:37

Mare lilisei fagaglana ke kligna pha'ugna mae Jisas ka gaju fafatha na balu fathoro teke edi mare ka mana. Mare ne rioriso cheke igre: “JISAS NODI KING HATIMARE MAE JIU.”

Luku 23:38

Igre grioriso teke rioriso mare ke kligna gaju fafatha na, “IGNE NODI KING HATIMARE MAE JIU.”

Nonomho Te Keli Teke Risoi Mae Mak 15:26

Grioriso eigna nodi fathoro mare ranghini mae Jisas na igne, “NODI KING HATIMARE MAE JIU.”

Jone 19:14

Ka vido tuana la namo naublathahi, eghuteuna nodi narane te mala tarabana eigna nodi Gaghamu Ghasa-polho mae Jiu gre. Mae Paelat ne cheke eghu ka mare, “Filo si ghotilo, igne nomi mae king ghotilo na.”

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Jone 19:21

Kate filoni mae pris ulure fagaglana igne, mare ne tei ne cheke eghu ka mae Paelat, “Thosei risoni iagho ‘Nodi King mae Jiu’ teu ana. Nu te keli na rioriso eghu agne, ‘Mae igne ne cheke eghu, Iara nodi King mae Jiu.’ ”

Jone 19:12

Kate nomhini mae Paelat cheke igne, mana ne funu hiro phoge te mala snakre teini mae Jisas. Eghuteuna, mae Jiu gre ne eha fabiꞌo eghu ka mae Paelat, “Te snakre teini iagho mae igne na, ghehati lase nigho iagho theome kheragna Sisa mae funei biꞌo gna Rom na eghu. Naugna mae ihei te kiloni thegna mae king na, mana theome keli ranghini mae Sisa.”

Jone 19:3

Aonu, mare ne mei koba ke ulugna mae Jisas ne tuturupuku soru ne cheke eghu, “Cheke fakeli nigho, iagho nodi king mae Jiu!” Gnafa teuna, mare lao ne taponi mana.

Jone 18:33

Aonu, mae Paelat neke ruma lamna suga. Mana kiloni mae Jisas, ne ghusna eghu ka mana, “Ba, iagho thofno nodi King mae Jiu gre sia ghema?”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Mae Khuru 26:9

“Tifa na iara neke jaola neke edi kmana glepo te mala fadiꞌani nanghagna mae Jisas gna Nasaret.

Luku 18:37

Mare ne cheke ka mana, “Mae Jisas gna Nasaret tela mei igne.”