Jone 19:13 - Buka Blahi Ka Cheke Holo

¹³ Mae Paelat nomhidi unha te chekedi mae Jiu igre ne atha fajiflani mae Jisas ke kosi suga. Mae Paelat ne gnokro ka sape mala fate te kiloi “Thabasoa” na, ka cheke Hibru na “Gabatha”.

Jone 19:13 ပူးပေါင်းရင်းမြစ်များ

Matiu 27:19

Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”

Mae Khuru 4:19

Nu mae Pita ghe mae Jone ne cheke eghu ka mare, “Ghaoghatho fakeli si ghotilo, ba, aheva nga gne te magnahagheni God na? Leghu ghami ghotilo ba leghuni God?

Jone 19:8

Kate nomhini mae Paelat cheke te Thugna God teu igne, mae Paelat ne mhaghu nogna fara.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Profet Emos 4:7

“Iara neke theome snakreni nakhete na mala thosei soru mei ka nomi nagare ghotilo ra. Eghuteuna iara neke snakreni nakhete na maladi keha namono ghu kolho. Nu kehare theo kolho, eghuteuna khoꞌu na theome naba ka naikno te gnafare.

Profet Isaia 57:11

“Ghotilo chaghi ghau iara fabrahu, naugna ghotilo mhaghudi fara god te chaichaghi igre. Naugna igne, ghotilo la ghatho iho ghauhi iara. Ba, ne au kmu fabrahu iara neu ne theome ghatho tahu ghau iara si ghotilo ia?

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Jone 5:2

Jare Jerusalem au kaisei kholo rhegna grengatha te kiloi mare nogna “Grengatha Sipu”. Kholo tuana mae Jiure kiloni Betsata. Rhegna kholo tuana au glima grorofe brahu.

Profet Jeremaea 38:19

King Sedekaea ne cheke eghu ka Jeremaea, “Iara mhaghu nogudi fara keha mae Jiu ka tahati tela rikha teke tei loku fodu baludi mae te naoka ka maedi Babilonia ra. Glahu mae naoka igre lisa lao ghau iara ka khamedi mare, eghuteuna iara ginauna au papara.”

Jone 19:17

Jisas pala nogna gaju fafatha thegna na ne jifla ka namono biꞌo na ne tei ka thogele te kiloi “Khorongosa”, ka cheke Hibru na “Golgota”.

Jone 19:20

Kmana mae Jiu te liu jare na, mare filoni fagaglana tuana. Naugna aheva te tupijuruni mae Jisas na namo fara Jerusalem. Thilo nafnata cheke te rioriso soru mae Paelat na, ka nodi cheke mae Jiu, ka nodi cheke mae Rom, nei ka nodi cheke mae Griki.