Jone 18:4 - Buka Blahi Ka Cheke Holo

⁴ Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”

Jone 18:4 ပူးပေါင်းရင်းမြစ်များ

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 18:7

Mae Jisas neke fapea cheke eghu ka mare, “Mei harini mae ihei si ghotilo ia?” Mare ne cheke eghu ka mana, “Mae Jisas gna Nasaret.”

Mae Khuru 2:28

Iagho neke falalase ka iara u nabrou karha na, eghuteuna iagho ginauna au balugu iara mala faglealeꞌa ghau iara.’

Nodi Khoje Hatimare Mae Jiu 27:3

Jame neuba kaisei thara ne mei bara falithui ghau iara, iara ginauna na theome mhaghu nogu kolho. Jame neuba nogu naoka iara re ne mei magra ka iara, iara ginauna au nogu grouronu biꞌo fara ka God.

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Jone 13:11

Mae Jisas la kulu lasenihi mae ihei nate snakre laoni mana ka nogna mae naokare. Naugna igne mana ne cheke eghu, “Theome kafe ghotilo te gae na.”

Jone 6:64

Nu keha naikno ka ghotilo theome fatutuani ghau iara.” Funu ka vuvuhagna na mae Jisas la kulu lasedihi mae iheire te theome fatutuani ni mana re. Eghuteuna mana la lasenihi mae ihei nate majorani mana na.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Matiu 26:31

Mae Jisas ne cheke eghu ka nogna mae fanomhore. “Ginau bongi na ghotilo na kafe tei koko ghau iara eigna unha nate eni mare ka iara na. Igne unha teke chekeni God ka grioriso te blahi na: “ ‘Iara ginauna faleheni mae greireghi sipu na, eghuteuna tothoghei sipu igne ginauna kafe rikiraka tafri.’

Matiu 26:21

Kate ima mare ka tevo na mae Jisas ne cheke eghu, “Tutuani fara, te chekeni iara ka ghotilo na. Kaisei mae ka ghotilo nabotho phei mae igre ginauna snakre lao ghau iara ka khamedi nogu naoka iara re.”

Matiu 26:2

“Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Nodi Khoje Hatimare Mae Jiu 3:6

Iara theome tangomana te mhaghudi nabotho thogha naoka te mei kegra falithui ghau igre.

Nehemaea 6:11

Nu iara ne cheke eghu ka mana, “Iara theome nafnata naikno te mhaghu nei rikha me tei poru teura sia. Eghume iara theome naba te rikha te tei poru lamna ka nogna Sugablahi God na te mala fakarhini nakarhagu na. Theo fara.”

Ululahu Kings 18:10

Ka nanghagna Lord mae ihei te karha te tifa, iara thofno cheke kate tutuani ka iagho, King Ehab neke kurudi nogna mae glokure mala tei tongana ka kantri te gnafa ka nauthoglu igne mala hiro nigho iagho. Jame kaisei mae king chekeni te thosei au iagho ka nogna kantri na teuna, mana na eni kaisei cheke te nheta fara mala laseni te tutuani nogna cheke mana igne.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Jone 18:5

Mare ne cheke eghu ka mana, “Ghehati mei harini mae Jisas gna Nasaret.” Mae Jisas ne cheke eghu ka mare, “Uve, iara ngala mana na.” Judas, mae ihei te majorani mae Jisas na kegra neu jare baludi mare.