Jone 18:37 - Buka Blahi Ka Cheke Holo

³⁷ Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Jone 18:37 ပူးပေါင်းရင်းမြစ်များ

Jone 8:47

Mae iheire te nogna God re, mare fanomhidi chekegna God re. Nu ghotilo gne theome nogna God naugna ghotilo ne tiromi fanomho ka mana!”

Ululahu Jone 4:6

Nu tahati nogna God. Ihei te laseni God na fanomho ka tahati, nu ihei te theome nogna God na theome fanomho ka tahati. Eghume, igne puhi te mala laseni tahati gaoghatho te tutuani ba chaichaghi.

Jone 8:14

Mae Jisas ne cheke eghu ka mare, “Uve, ka thegu iara na iara cheke kate au nafugna, eghuteuna u nogu cheke iara igre tutuani fara, naugna iara laseni aheva teke mei gu na nei aheva nate ke tei gu na. Ghotilo theome laseni aheva teke mei gu na nei aheva nate ke tei gu na.

Ululahu Jone 3:19

Eghume, ka puhi tuana tahati laseni te leghuni nabrou te tutuani na. Eghuteuna kate laseni tahati te eni unha te diꞌa ranghini kherada fofodu na ka nagnafadare, tahati tangomana te au teu ngala ka pharikeli ke ulugna God. Naugna nogna namha God na thofno biꞌo fara, eghuteuna mana lasedi gobigna lepore.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Luku 23:3

Mae Paelat ne ghusna eghu ka mae Jisas, “Ba, iagho thofno nodi king mae Jiu gre sia ghema?” Mae Jisas ne cheke eghu ka mana, “Uve, te chekenihi iagho tuana.”

Nonomho Te Keli Teke Risoi Mae Mak 15:2

Mae Paelat ne ghusna eghu ka mae Jisas, “Ba, iagho thofno nodi King mae Jiu gre sia ghema?” Mae Jisas ne cheke eghu ka mana, “Uve, te chekenihi iagho tuana.”

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Jone 3:32

Mana toutonu ranghidi naiknore eidi unha glepo biꞌo teke filodi nei nomhidi teu thegna re, neubane eghu ngau theo kaisei naikno te magnahaghei fatutuanidi unha te chekedi mana re.

Matiu 26:64

Mae Jisas ne cheke eghu ka mana, “Uve, iara ngala! Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara mei ke kligna grokho ka maloa na.”

Matiu 27:11

Mae Jisas ne kegra ke ulugna mae Paelat, mae gavana gna Rome. Paelat ne ghusna eghu ka mae Jisas, “Ba, iagho thofno nodi king mae Jiu gre sia ghema?” Mae Jisas ne cheke eghu ka mana, “Uve, te chekenihi iagho tuana.”

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Luku 22:70

Mare ne kafe cheke eghu ka mae Jisas, “Icho idomi! Iagho si Thugna God na ia?” Mae Jisas ne cheke eghu ka mare, “Uve, ghotilo doglou ngala kate chekeni ghotilo ne iara teuna.”

Nonomho Te Keli Teke Risoi Mae Mak 14:62

Mae Jisas ne cheke eghu ka mana, “Uve, iara ngala. Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara na mei ke kligna grokho ka maloa.”

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Jone 8:45

Nu iara chekeni ka ghotilo u glepo tutuani na. Naugna igne ghotilo theome fatutuanidi unha te chekedi iara re.

Jone 8:46

Ba mae ihei ka ghotilo te filo ghau iara te eni unha glepo te diꞌa na? Te chekeni iara tutuani na, naugna unha me theome fatutuanidi ghotilo unha te chekedi iara re?

Ululahu Jone 2:21

Iara theome riso ari ka ghotilo naugna ne theome laseni cheke te tutuani na. Theo. Iara riso ari ka ghotilo naugna ghotilo lasenihi cheke te tutuani na, eghuteuna ghotilo lasedihi chaichaghi ghe tutuani gre theome tei fodu.