Jone 18:20 - Buka Blahi Ka Cheke Holo

²⁰ Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Jone 18:20 ပူးပေါင်းရင်းမြစ်များ

Jone 7:26

Filoni si ghotilo, gognaro na mana kafe cheke ka naiknore, eghuteuna goro mae biꞌo re theome chekeni ngala kaisei cheke ka mana! Glahula me lasenihi goro mae biꞌo gre te mae igne tutuani ngala mae Kraes na.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Profet Isaia 48:16

“Ghotilo mei namo ka iara mala fanomho fakeli ka unha nate chekedi iara igre. “Funu tifa te mei na, iara theome cheke pouporu. Leuleghu fata na nogu cheke iara igre thakle mei tutuani.” Lord tusu meihi nogna nolaghi na ka iara, eghuteuna mana kuru ghau iara mala toutonuni chekegna mana na.

Luku 21:37

Leuleghu narane na, mae Jisas ne tei ne farirhiu ke lamna Sugablahi, eghuteuna fei grafi na mana tei ka thogele te kiloi Thogele Gaju Olivi.

Jone 7:4

Naugna mae ihei te magnahaghei fnakno ka tathadi naiknore, mana theome tangomana te eni poru nogna gloku na. Eghume te edi iagho glepo te biꞌo igre, edi fakakhana sagho ka tathadi naikno te gnafare mala kafe filo glani nigho.”

Luku 4:15

Mana ne funu farirhiudi naiknore ke lamnadi nodi suga tharai hatimare mae Jiure, eghuteuna naiknore ne kafe keli tadi fara ka mana.

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Matiu 9:35

Mae Jisas ne tei tongana ka namono biꞌo ba namono te ikodi ke lamnagna Provins Galili. Mana ruma ke lamnadi nodi suga tharai mae Jiure, ne farirhiudi naiknore. Eghuteuna mana ne toutonuni Nonomho te Keli eigna narane God te funei frunidi nogna naiknore. Mana ne fakarhidi naikno te au thua nafnata khabru nei fogra teu tadire.

Profet Isaia 45:19

Iara theome porudi nogu cheke re, ba poruni gaoghathogu na ka ghotilo. Eghuteuna iara neke theome cheke ghami ghotilo mala fiti hiro ghau iara kate theo nafugna. Iara Lord, iara chekeni kolho cheke te tutuani na. Uve, leuleghu fata na, iara chekeni kolho unha te doglo na.”

Jone 8:26

Iara au kmana glepo fara te mala cheke eimi ghotilo nei mala fate ghami ghotilo teuna. Nu iara ginauna kafe cheke ka ghotilo naiknogna nauthoglu igne unha teke nomhidi iara ka mae teke kuru mei ghau na. Naugna unha te chekedi mana re thono tutuani fara.”

Jone 8:2

Hamerane boibongi ka keha narane na, mae Jisas neke pulo Jerusalem ne ruma ka Sugablahi na. Ka narane tuana, kmana naikno filoni mana ne mei khapru faligohoni mana. Eghuteuna mana gnokro soru ne toutonu ranghidi Nonomho te Keli na.

Jone 7:28

Kate farirhiudi naiknore teu ka Sugablahi na mae Jisas ne cheke eghu fabiꞌo, “Uve, ghotilo lase ghau iara, eghuteuna ghotilo laseni funu aheva teke mei iara na. Nu iara theome mei ka nogu gaoghatho thegu. Mae ihei te tutuani na teke kuru mei ghau iara na. Ghotilo theome laseni mana!

Jone 7:14

Kate thoke farihoteigna gaghamu na, mae Jisas ne ruma ka Sugablahi na ne funu farirhiudi naiknore.

Matiu 26:65

Kate nomhini igne, mae pris biꞌo na ne rerheku nogna phoko na, naugna mana diꞌatagna fara. Aonu mana ne eha eghu fabiꞌo, “Tore! Mae igne cheke faparini God! Gognarona tahati theome magnahaghei keha thoutonui eigna mana. Naugna ghotilo nomhinihi themi mana cheke faparini God.

Mae Khuru 26:26

Mae King Agripa lasedi glepo igre. Iara theome mamaja te cheke ka mana na. Te laseni iara na mana kafe nomhidi glepo igre naugna glepo igre neke theome edi ka vido te poru.

Matiu 24:26

“Eghume mare jame mei cheke eghu ka ghotilo, ‘Mae Kraes na kela pulo meihi, mana na tei kmiru mata,’ thosei tei jare. Ba mare jame cheke eghu ka ghotilo, ‘Mae Kraes na au lamna chogho,’ thosei fatutuanidi.

Nodi Khoje Hatimare Mae Jiu 40:9

God, iara neke toutonuni u nonomho te keli igne kate khapru teu nou naikno iagho re, neke cheke eghu, “Lord, na tangomana te fakarhi ghita tahati na.” Lord, iagho laseni, iara ginauna theome tangomana te gnafa na nafnata cheke igre.

Nodi Khoje Hatimare Mae Jiu 22:22

Gognaro na iara ginauna toutonu ka mae kheragure eidi glepo teke edi iagho ra. Iara ginauna na cheke fakeli nigho ke uludi mare.

Nonomho Te Keli Teke Risoi Mae Mak 8:32

Unha te chekeni mae Jisas na ne thono glola fara ka mare. Aonu mae Pita ne hata fadeleini mae Jisas ne cheke eghu ka mana, “Thosei eni iagho nafnata cheke tuana!”

Jone 6:59

Mae Jisas neke chekedi u glepo igre ka teke farirhiudi mana naiknore ke lamnagna u suga tharai na ka namono Kapanam.

Jone 18:21

Naugna unha sagho te ghusna ghau iara gnea? Ghusnadi sagho naikno teke nomhidi nogu farirhiu iara re. Mare lasedihi unha teke chekedi iara re.”