Jone 18:12 - Buka Blahi Ka Cheke Holo

¹² Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re.

Jone 18:12 ပူးပေါင်းရင်းမြစ်များ

Jone 18:3

Mae Judas ne batuni kaisei tothoghei mae soldia ne tei ka nagare na. Eghuteuna, mana ne hata langau balugna keha mae soldia teke kukhuru mae pris ulu nei hatimare mae Farasi. Mare ne atha juta, nei juta jeklo ba phoposa, nei keha glepo mala magra eghu baludi.

Matiu 26:57

Naikno teke mei lokini mae Jisas igre hatani mana ne tei ka sugagna mae Kaefas, mae pris biꞌo na. Ka vido tuana hatimare mae velepuhigna vetula nogna mae Moses nei hatimare keha mae biꞌodi Jiu ne khapru jare.

Mae Khuru 21:37

Kate namo hatani mana te tei mare lamna suga na, mae Pol ne cheke eghu ka mae funei biꞌo na, “Ba, tangomana ngau iara te cheke ka iagho na?” Mae funei biꞌo na ne jaglo nogna ne cheke eghu ka mae Pol, “Iagho mae lase cheke Griki sia?

Mae Khuru 21:31

Kate mala faleheni mae Pol teu naiknore, nonomho gna puhi biꞌo fara te eni mare igne ne tei thoke ka mae funei biꞌodi mae armi di Rom te au Jerusalem.

Luku 22:54

Aonu mare ne lokini mae Jisas hatani mana ne tei ka sugagna mae pris biꞌo na. Mae Pita ne tei ke leghudi mare, nu mana theome tei namo ka mare.

Nonomho Te Keli Teke Risoi Mae Mak 15:1

Hamerane boibongi hatimare mae pris ulu, hatimare mae velepuhigna vetula nogna mae Moses nei hatimare goro mae biꞌo nei hatimare mae tothoghei fate eghure ne rogheni unha nate eni ka mae Jisas na. Aonu hatimare haru fodu phia khamegna mae Jisas re ne hata ne tei snakre lao ka mae Paelat.

Nonomho Te Keli Teke Risoi Mae Mak 14:53

Mare hatini mae Jisas ne tei ka sugagna mae pris biꞌo na. Hatimare mae pris ulu nei hatimare mae velepuhigna vetula nogna mae Moses nei keha mae biꞌo langau eghu khapru neu jare.

Matiu 27:2

Hatimare haru fodu phei khamegna mae Jisas re hata ne tei ka mae Paelat, mae gavana.

Jajis 16:21

Aonu maedi Filistia igre mei ne lokini mana ne bilo koko phei tathagna mana re. Mare ne hata tei mana Gasa. Ka namono igne, mare ne haruni mana ka chen biꞌo teke horo ka bras, nei liseini mana ka suga sosolo. Eghuteuna nogna gloku mana na mala figri thina biꞌo mala ghorhu wit mala ei flaoa.

Jenesis 22:9

Kate posa lao phia mare ka vido aheva teke chekeni God na, jare mae Ebraham ne titili ka thina kaisei olta ne lilisei gaju ke kligna gna. Mana ne haru phei khamegna mae Isak re ka gnarho ne fathuru lao ke klignadi gajure ka olta na.

Mae Khuru 23:10

Fapholai igne ne ghilei vuhai magra biꞌo, eghuteuna mae funei biꞌodi mae armi gre mhaghu nogna glahula mei mare korho sasakani mae Pol. Aonu mana ne chekedi nogna mae soldiare mala soru hata fadeleini mae Pol ka hatimare mae mala fate, mala hata fapuloni mana ka suga aheva te au hatimare mae armi re.

Nodi Khoje Hatimare Mae Jiu 118:27

Lord kolho ngala God te tutuani na, nei mana keli fara ranghi ghita. Eghuteuna ka narane te biꞌo igne ghotilo louloku grege gaju mala tei falithuini olta na.

Jenesis 40:3

Aonu mana ne fasosolodi phia mare ka sugagna mae kapten di hatimare mae soldia te mala reireghigna nogna suga mae king na. Ka suga igne te fasosoloni mare mae Josep na.

Matiu 27:27

Nogna soldia mae Paelat igre hatani mae Jisas ne tei ka sugagna mae gavana. Aonu hatimare mae soldia igre ne kafe mei kegra faligohoni mae Jisas.

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.