Jone 17:6 - Buka Blahi Ka Cheke Holo

⁶ “Iara neke fatakle nigho iagho ka naikno teke tusu mei iagho ka iara teke vavahi fadelei iagho kau nauthoglu igne. Naikno igre nou iagho, eghuteuna iagho neke snakre meidi ka iara. Mare leghudi nou cheke iagho teke cheke ranghidi iara ra.

Jone 17:6 ပူးပေါင်းရင်းမြစ်များ

Jone 17:26

Iara la falalasehi ka mare nanghamu iagho na, eghuteuna iara na eni koba igne. Iara ginauna au baludi mare, mala jateula iagho te namha ghau iara gne eghu mare mala namhadi keha naiknore.”

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Thakle 3:8

Iara lase ghamihi ghotilo te theome kmana ghotilo ka khiloau. Neuba ngau ghotilo ne leghuni fabrahu nogu farirhiu iara na, ghotilo theome mamaja te chekeni te nogu iara na. Eghume, iara la tothorahi kaisei grengatha malami ghotilo te mala ruma haghe ka nogna nauthoglu majaghani God na mala au fabrahu jare. Eghuteuna grengatha igne ginauna theome tangomana kaisei naikno te bobotho na.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Nodi Khoje Hatimare Mae Jiu 22:22

Gognaro na iara ginauna toutonu ka mae kheragure eidi glepo teke edi iagho ra. Iara ginauna na cheke fakeli nigho ke uludi mare.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Hibru 2:12

Tahati kafe laseni igne, naugna kau grioriso te blahi na mae Jisas ne cheke eghu ka God, “Iara ginauna na chekedi thabusigure unha te edi iagho re. Kate khapru te pogho soru nigho naiknore, iara ginauna kilo fnakno nigho balu koje.”

Fapea Timoti 1:13

Leghu fakelidi cheke teke nomhidi iagho ka iara ra. Cheke igre jateula thotoghale eghu mala laseni iagho nabrou te keli te mala farirhiudi naiknore. Eghuteuna iagho edi igre balu fatutuani ni mae Jisas Kraes nei namhadi keha naiknore eghu eigna tahati nogna naikno mana.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Letas Teke Riso Tei Mae Pol Ka Khiloau Rom 11:2

God theome tangomana te susukudi nogna naikno teke kulu vavahi mana tifa re. Ghotilo lasenihi thoutonu eigna mae Elija ka grioriso te blahi ia, eigna mana neke susukudi naiknodi Israel re neke cheke faheta eghu ka God,

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Jone 18:9

Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”

Jone 17:16

Mare theome thofno nogna nauthoglu igne, jateula iara te theome nogna nauthoglu igne.

Jone 17:14

Iara la tusu laohi ka mare nou farirhiu iagho ra. Eghuteuna naiknogna nauthoglu igne theome magnahaghedi mare, naugna mare theome nogna nauthoglu igne, jateula ngau iara gne theome nogna nauthoglu igne.

Jone 15:3

Ghotilo la gaehi kau farirhiu te chekedi iara ka ghotilo igre.

Jone 12:28

Iara na cheke eghu, ‘Mama, fathakle ka naikno gre nou nolaghi te biꞌo!’ ” Kate chekedi mana cheke igre, kaisei cheke ghosei ne soru mei funu kligna ne cheke eghu, “Nogu nolaghi biꞌo iara na neke thaklehi, eghuteuna ginauna nake fathakleniu ngala u nolaghi biꞌo tuana.”

Jone 6:39

Mae ihei teke kuru mei ghau iara na mana theome magnahaghei ghau iara te lisa lao mala sniki kaisei naikno teke chekedi mana mala reireghidi iara teku igre, nu mala fakarha fapulodi iara kau narane leghu lahu na.

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Proveb 2:10

Uve, iagho ginauna na lalase, eghuteuna iagho ginauna gleꞌani nou glalase tuana.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Ululahu Pita 1:1

Iara mae Pita, kaisei nogna khuru mae Jisas Kraes. Iara riso ari letas igne ka ghotilo nogna naikno God jateula naikno phosa teu ka nauthoglu gne teu te au tafri ka Provins Pontas, Galesia, Kapadosia, Esia nei Bitinia.

Jone 8:51

Tutuani fara, te chekeni iara ka ghotilo na, mae ihei te leghuni chekegu iara na, mana ginauna theome lehe tifa e tifa.”

Jone 8:52

Goro mae biꞌo re ne cheke eghu ka mae Jisas, “Uve, gognaro na ghehati lase nigho hi ka nou cheke themu re, iagho au kaisei naitu ke lamnamu. Naugna mae Ebraham ia la lehehi tifa nei hatimare mae profet ra jaola lehe hila. Nu te chekeni iagho na, ‘Mae ihei te leghuni chekegu iara na mana na theome lehe tifa e tifa.’

Jone 17:7

Eghuteuna gognarona mare la lasedihi gobigna lepo teke tusu mei iagho ka iara ra, neke mei funudi ka iagho.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.