Jone 17:26 - Buka Blahi Ka Cheke Holo

²⁶ Iara la falalasehi ka mare nanghamu iagho na, eghuteuna iara na eni koba igne. Iara ginauna au baludi mare, mala jateula iagho te namha ghau iara gne eghu mare mala namhadi keha naiknore.”

Jone 17:26 ပူးပေါင်းရင်းမြစ်များ

Jone 17:23

Iara au baludi mare, eghuteuna iagho au balugu iara. Eghume mare ginauna thofno mala kaisei ngala. Aonu nauthoglu igne ginauna lase nigho iagho teke kuru mei ghau iara na. Jaola, nauthoglu igne ginauna lase nigho iagho te namhadi naikno igre jateula iagho te namha ghau iara.

Jone 17:6

“Iara neke fatakle nigho iagho ka naikno teke tusu mei iagho ka iara teke vavahi fadelei iagho kau nauthoglu igne. Naikno igre nou iagho, eghuteuna iagho neke snakre meidi ka iara. Mare leghudi nou cheke iagho teke cheke ranghidi iara ra.

Jone 15:9

“Iara namha ghami ghotilo, jateula ngau mae Mama te namha ghaula iara. Eghume, ghotilo au fabrahu balugu iara, mala tangomana iara te namha ghami ghotilo na.

Hibru 2:12

Tahati kafe laseni igne, naugna kau grioriso te blahi na mae Jisas ne cheke eghu ka God, “Iara ginauna na chekedi thabusigure unha te edi iagho re. Kate khapru te pogho soru nigho naiknore, iara ginauna kilo fnakno nigho balu koje.”

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Jone 14:20

Kau narane tuana, ghotilo ginauna lase ghau iara te au balugna mae Mama, eghuteuna ghotilo au balugu iara, eghuteuna iara au balumi ghotilo.

Nodi Khoje Hatimare Mae Jiu 22:22

Gognaro na iara ginauna toutonu ka mae kheragure eidi glepo teke edi iagho ra. Iara ginauna na cheke fakeli nigho ke uludi mare.

Jone 15:4

Eghume ghotilo au fabrahu balugu iara, eghuteuna iara ginauna au fabrahu balumi ghotilo. Grege te au thegna sopa na theome tangomana te ure na, naugna ne theome au fodu kau gaju gna na. Ghotilo na jateula tuana eghu te theome au ghotilo balugu iara na. Eghuteuna ghotilo theome tangomana te ure themi na.

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Efesus 5:30

Naugna tahati ka khiloau na jateula vido thinigna mana eghu.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Jone 8:50

Iara theome harini nafnaknogu thegu na mala ghatho tahu ghau naiknore. Nu mae Mama magnahaghedi naiknore te mala fafnakno ghau iara na, naugna te chekeni mana na iara kaisei mae thono doglo fara. Eghuteuna God ginauna kafe fate ghami ghotilo.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Ululahu Korin 12:12

Kraes na jateula kaisei thini eghu, eghuteuna au kmana grerege thini tagna. Neubane au kmana nafnata vido tagna, mana kaisei thini ngala.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Letas Teke Riso Tei Mae Pol Ka Khiloau Rom 8:10

Thinimi ghotilo re ginauna lehe ka nakhibomire. Nu naugna Kraes te au ke lamnami, Tharunga te Blahi na ginauna tusu ranghi ghami u thofno nakarha na, naugna Kraes la fadogli ghamihi ka tathagna God na.

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Jone 17:8

U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.