Jone 17:23 - Buka Blahi Ka Cheke Holo

²³ Iara au baludi mare, eghuteuna iagho au balugu iara. Eghume mare ginauna thofno mala kaisei ngala. Aonu nauthoglu igne ginauna lase nigho iagho teke kuru mei ghau iara na. Jaola, nauthoglu igne ginauna lase nigho iagho te namhadi naikno igre jateula iagho te namha ghau iara.

Jone 17:23 ပူးပေါင်းရင်းမြစ်များ

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Jone 16:27

Naugna mae Mama namha ghami ghotilo. Mana namha ghami ghotilo naugna ghotilo ne namha ghau iara nei ghotilo fatutuani ghau iara teke mei funu ka God.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Jone 13:35

Te fari namhai ghotilo na, keha naiknore ginauna lase ghami ghotilo te nogu mae fanomho tutuani iara na.’ ”

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Kolose 3:14

Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Jone 17:26

Iara la falalasehi ka mare nanghamu iagho na, eghuteuna iara na eni koba igne. Iara ginauna au baludi mare, mala jateula iagho te namha ghau iara gne eghu mare mala namhadi keha naiknore.”

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Jone 14:10

Fatutuani ghau iara sagho. Iara au balugna mae Mama, nei mae Mama au balugu iara. Cheke te chekedi iara ka ghotilo igre theome nogu cheke iara thegu. Nu mae Mama te au balugu iara na te edi nogna glokure.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Filipae 3:15

Uve, te heta tahati ka mae Kraes noda fatutuani na, tahati loku famaku nafnata gaoghatho tuana ka nagnafadare. Nu jame ihei te tirogna fatutuanidi nafnata gaoghatho igre, God ginauna falalase fakelini naikno tuana u nabrou te doglo na.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Jone 3:17

Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.

Ululahu Jone 4:19

Tahati namha, naugna God neke kulu namha ghita.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Jone 10:38

Nu jame edi iara unha te edi mae Mama re, neubane theome fatutuani ghau iara ghotilo, ghotilo jame fatutuanidi unha te edi iara re. Aonu, ghotilo ginauna laseni mae Mama na au ke lamnagu iara, nei iara au ke lamnagna mae Mama.”

Jone 15:9

“Iara namha ghami ghotilo, jateula ngau mae Mama te namha ghaula iara. Eghume, ghotilo au fabrahu balugu iara, mala tangomana iara te namha ghami ghotilo na.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 17:8

U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’