Jone 17:22 - Buka Blahi Ka Cheke Holo

²² Nolaghi biꞌo teke tusu mei iagho ka iara ia kela tusu laohi iara ka naiknore. Iara la tusu laohi ka mare mala kaisei ngala mare jateula tapa te kaisei gne eghu.

Jone 17:22 ပူးပေါင်းရင်းမြစ်များ

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Jone 14:20

Kau narane tuana, ghotilo ginauna lase ghau iara te au balugna mae Mama, eghuteuna ghotilo au balugu iara, eghuteuna iara au balumi ghotilo.

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Nonomho Te Keli Teke Risoi Mae Mak 6:7

Aonu mana kilodi nabotho phei mae nogna fanomhore ne cheke eghu ka mare, “Iara na kuru fajifla ghami ghotilo mala phei mae kaisei namono, eghuteuna keha phei re ka keha namono na eghu. Iara na tusu ari ka ghotilo nolaghi te mala bruedi naiture.”

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Letas Teke Riso Tei Mae Pol Ka Khiloau Rom 8:30

Eghuteuna naikno teke magnahaghedi God mala jateula thugna teure, mana jaola neke vahidi mare, eghuteuna mana toghodi mala doglo ka tathagna thegna na, eghuteuna tusu ranghidi nakarhagna mae Jisas te theo ka huigna.

Ululahu Jone 4:17

Ka igne nogna namha na horoghoto ke lamnada mala frane tahati ka narane te mala fate ghita na. Naugna ka nauthoglu gne tahati jateula mana.